سارسەنبى, 4 تامىز 2021
46 - ءسوز 7630 2 پىكىر 21 ماۋسىم, 2021 ساعات 14:09

1 ترلن تەڭگە. حالىق نەسيەسىن وتەي الماي ءجۇر

بيىل بانكتەردەن حالىققا بەرىلگەن نەسيە كولەمى مامىر ايىندا 15 ترلن تەڭگەدەن اسىپ جىعىلدى.  ونىڭ 31%-ى ياعني، 7,9 ترلن تەڭگەسى تۇرعىن ءۇي نەسيەسى بولسا، 59%-ىن تۇتىنۋشىلىق نەسيەسى قۇرايدى ەكەن. قالعان 10%-ى شەتەلگە ساياحات جاساۋ ءۇشىن الىنعان نەسيەلەر.  

ەندى وسى نەسيەنى الىپ، قايتارا الماۋشىلىق دەڭگەي قاندايلىق؟ سول جاعىنا توقتالاتىن بولساق، سوڭعى ءۇش جىلدا نەسيەنى ۋاقىتىندا قايتارا الماۋشىلىق دەڭگەيىنىڭ 6,7%-عا قىسقارعانىن، ءدال قازىر 2021 جىلدىڭ 1 مامىرىندا 1 ترلن اسا تەڭگەنى قۇراپ وتىرعانىن ۇلتتىق بانك ءمالىم ەتتى.

قارىزىن دەر كەزىندە وتەي الماۋشىلاردىڭ قاي ايماقتارعا ءتان ەكەنىن ءسوز ەتەر بولساق، الدىڭعى ۇشتىكتە المەتى، نۇر-سۇلتان مەن شىعىس قازاقستان وبلىستارى تۇر ەكەن. الماتى – 439 ملرد تەڭگە، نۇر-سۇلتان – 234,8 ملرد تەڭگە، شقو – 85,6 ملرد تەڭگە، اتىراۋ – 34,3 ملرد، قاراعاندى وبلىسى – 31,6 ملرد تەڭگە جانە شىمكەنت – 30 ملرد تەڭگە.

ال، قارىزى از، بانكتەر الدىندا «ءجۇزى جارقىن» وڭىرلەرگە قىزىلوردا، سقو جانە تۇركىستان وبلىستارى جاتادى ەكەن. ناقتىراق ءسوز ەتەتىن بولساق، قىزىلوردا وبلىسىنىڭ تۇرعىندارىنىڭ قايىرماعان قارىزى – 9,7 ملرد تەڭگە، سقو – 4,1 ملرد تەڭگە جانە تۇركىستان وبلىسىندا بۇل – 2,4 ملرد تەڭگەنى قۇراپ وتىرعان جايى بار.

ءابىل-سەرىك الىاكبار

Abai.kz

2 پىكىر