قازىر جۇرتتىڭ ءبارى 25 كۇن ىشىندە دوللار تەڭگەگە شاققاندا 24 تەڭگەگە قۇنسىزداندى دەپ ءماز. بىراق ونىڭ ەسەسىنە الاش ەلىنىڭ تۇرعىندارىنىڭ بانكى الدىنداعى قارىزى عارىشتىق جىلدامدىقپەن وسە تۇسۋدە.  

جىل باسىنان بەرى جۇرتتىڭ بانكتەر الدىنداعى نەسيە قارىزى 34 ملرد تەڭگەگە وسكەن. ۇلتتىق بانكىنىڭ مالىمەتى بويىنشا مەرزىمى وسكەن ساقالدى زايىمدار 1 ساۋىردە 612,8 ملرد تەڭگەگە جەتىپ جىعىلعان. ونىڭ 321 ملرد تەڭگەسى (+10,2%) جەكە تۇلعالارعا، ال، زاڭدى تۇلعالارعا– 291,7 ملرد تەڭگەسى (+1,4%) تيسەلى.

بۇل اقشانىڭ 519,7 ملرد-ى ءتول اقشامىزبەن، قالعان 93 ملرد-ى شەتەل ۆاليۋتىسىمەن مويىنىمىزعا ءىلىنىپ وتىرعان جايى بار.

ۋاقىتى وتكەن قارىزداردىڭ كوشىن ميلليونەر ءۇش قالا باستاپ تۇر: الماتى – 281 ملرد تەڭگە، نۇر-سۇلتان –102 ملرد تەڭگە  ھام شىمكەنت – 32,2 ملرد. ايماقتار بويىنشا وزا شاپقاندار اراسىندا: اتىراۋ – 30,9 ملرد تەڭگە، قاراعاندى – 23,5 ملرد تەڭگە، شقو – 22,2 ملرد تەڭگە، پاۆلودار – 17,8 ملرد تەنڭگە جانە اقتوبە وبلىسى – 16,7 ملرد تەڭگە.

ال، بانك الدىنداعى قارىزدارى تام-تۇمداعان وڭىرلەر ساناتىنا اقمولا وبلىسى – 7,5 ملرد تەڭگە، سقو – 4 ملرد تەڭگەگە جۋىق جانە تۇركىستان وبلىسى – 3,3 ملرد تەنگە بەرەشەگىمەن جاتادى.

ءابىل-سەرىك الىاكبار

Abai.kz