بەيسەنبى, 18 تامىز 2022
وداقتاستىڭ ويى 1940 18 پىكىر 1 شىلدە, 2022 ساعات 15:43

«تاۋەلسىزدىكتى ساقتاعىلارىڭ كەلسە، بىزبەن بىرگە بولىڭدار»

بەلارۋس پرەزيدەنتى الەكساندر لۋكاشەنكو بۇرىنعى كسرو قۇرامىندا بولعان مەملەكەتتەرگە دوق كورسەتىپ: «پوستكەڭەستىك مەملەكەتتەر تاۋەلسىزدىكتى ساقتاپ قالعىسى كەلسە، وداقتاس مەملەكەتتەر – بەلارۋس-رەسەيمەن جاقىن بولۋى كەرەك»، - دەدى.

الەكساندر لۋكاشەنكو كەشە مينسكىدە رەسەيدىڭ سىرتقى ىستەر ءمينيسترى سەرگەي لاۆروۆپەن كەزدەسكەن. ەكەۋارا كەزدەسۋ كەزىندە لۋكاشەنكو رەسەي مەن بەلارۋس قارىم-قاتىناستارى تۋرالى ەگجەي-تەگجەيلى ءسويلىپ، اتالعان ەكى مەملەكەتتىڭ دوستىعىنا وزگەلەر «قىزىعا دا قىزعانا قارايدى»، دەگەن.

«ءبىز ەكى تاۋەلسىز مەملەكەتپىز. ءبىزدىڭ اقىلىمىز جەتىپ، ءدال وسىنداي قارىم-قاتىناس قۇرىلىمىن جاساعانىمىزعا وزگەلەر قىزعانا قارايدى. ءبىز وسى باعىتتا ءجۇرىپ كەلەمىز. ءبىزدىڭ مەملەكەتتەرىمىزدىڭ اراسىندا ديپلوماتيالىق بايلانىستىڭ ورناعانىنا 30 جىل تولدى. ءبىر-ءبىرىمىزدى جۇتىپ قويعان جوقپىز. ءبىز رەسەيدەن تاۋەلسىز، ەگەمەندى مەمەلكەتكە نە كەرەك، سونىڭ بارلىعىن الىپ وتىرمىز»، - دەگەن.

ول سونداي-اق، رەسەيدىڭ يادرولىق سوعىسقا دايىن بولۋى كەرەكتىگىن دە ەسكەرتىپ سويلەگەن.

«ەشقانداي قويىلىم بولعان جوق. ءبىز تەك جارتى قادام جاسادىق. ولار ۇشىپ، جاتتىعىپ جاتىر عوي. نە ءۇشىن؟ كەيىن ۇشاققا يادرولىق بومبانى تيەپ، كەرەك جەرىنە تاستاۋ ءۇشىن! سوندىقتان ءبىز ءالى ناقتى جاۋاپ بەرمەدىك. بىزدە يادرولىق قارۋ قويمالارى جوق. ال ولاردىڭ 6 مەملەكەتتە سونداي قويمالارى بار. سوندىقتان ءبىز دايىن بولۋىمىز كەرەك»، - دەگەن.

Abai.kz

18 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2759
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2128
ادەبيەت

ءتۇس

ەرعالي باقاش 1799
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2893