بيىل شىلدەنىڭ باسىندا ورتالىق ازيا ەلدەرىنىڭ نازارى وزبەكستاندا بولدى. قاراقالپاقستان ستاتۋسىن كونستيتۋتسيادا وزگەرتۋگە ۇسىنىس تاستالعان ساتتەن باستاپ، قاراقالپاق حالقىنىڭ ۇيقىسى قاشتى. الەۋمەتتىك جەلىدەگى نارازىلىقتىڭ سوڭى جاپپاي كوشەگە شىعۋمەن جالعاستى. ال بۇل نارازىلىقتاردىڭ سوڭى قانتوگىسكە اكەلدى. بۇل ميرزيەەۆ بيلىگىنىڭ قاتەلىگى بولسا كەرەك. 

داۋدىڭ باسى 70-75 باپ بولدى. وزبەكستاننىڭ كونستيتۋتسياسىندا 70-75 باپتار قاراقالپاقستاننىڭ ستاتۋسىنا ارنالعان. مىنە، وسى التى باپتى وزگەرتۋ ماسەلەسى كوتەرىلدى. ءسوزسىز بۇل وزگەرىستەردى ەنگىزۋ ۇسىنىسى 16 اۋداننان تۇراتىن قاراقالپاقستاندى ءدۇر سىلكىندىردى. «سۋۆەرەنيتەتتەن ايىرىلۋ» قاۋپى قاراقالپاق حالقىنىڭ نارازىلىعىن تۋدىردى. قاراقالپاق حالقى الەۋمەتتىك جەلىدە ارنايى ۆيدەو ءتۇسىرىپ، ۇندەۋلەر جاساپ تاراتتى. نوكىس پەن قاراقالپاقستاننىڭ وزگە دە ايماقتارىندا جۇزدەگەن، ءتىپتى مىڭداعان ادام الاڭعى شىقتى. بۇل نارازى توپ پەن كۇشتىك قۇرىلىمدار اراسىنداعى قاقتىعىسقا ۇلاستى. نارازىلىقتىڭ بەتالىسىن بايقاعان تاشكەنت دەرەۋ ارادا پرەزيدەنت ميرزيەەۆتىڭ نوكىس قالاسىنا اتتانعانىن حابارلادى. ميرزيەەۆ نوكىستە كونستيتۋتسياعا قانداي دا ءبىر وزگەرىس قاراقالپاق حالقىنىڭ قالاۋىنسىز ەنگىزىلمەيتىنىن مالىمدەدى. ءسويتىپ 70-75 باپتار وزگەرىسسىز قالۋىن ۇسىندى، ال 4 شىلدە كۇنى وزبەكستان پارلامەنتى ميرزيەەۆتىڭ ۇسىنىسىن قابىل الىپ، قاراقالپاقستاننىڭ ستاتۋسى وزگەرمەيتىن بولدى. دەسە دە، وسى ەكى-ءۇش كۇندىك ءدۇمپۋ كەزىندە ونداعان ادامنىڭ قانى توگىلدى.

ءبىز Abai.kz اقپاراتتىق پورتالى ينتەرنەت-كونفەرەنتسياسىنىڭ كەلەسى تاقىرىبىن – قاراقالپاق قىرعىنىنا ارناعاندى ءجون كوردىك.

ابايدىڭ وسى جولعى قوناعى قاراقالپاقستاننىڭ تاۋەلسىز ليدەرلەرىنىڭ ءبىرى، ون جىلدان اسا قاراقالپاقستان تاۋەلسىزدىگى ءۇشىن كۇرەسىپ، رەفەرەندۋم وتكىزۋ تۋرالى باستامانى كوتەرگەن، «العا قاراقالپاقستان» دەموكراتيالىق پارتياسىنىڭ ليدەرى – امان ساعيدۋللاەۆ.

سپيكەر امان ساعيدۋللاەۆتىڭ اشىق سۇحباتى مەن سىزدەر قويعان ساۋالدىڭ جاۋابى «Abai.kz» اقپاراتتىق پورتالىندا جاريالاناتىن بولادى!

ساۋالدارىڭىزدى جولداي بەرىڭىزدەر، مارحابات، مارتەبەلى وقىرمان!

Abai.kz