دۇيسەنبى كۇنى پارتيا مۇشەلەرى جاڭا ليدەرگە داۋىس بەردى. ليز تراسسى قولداپ، 80 مىڭ پارتيا مۇشەسىنىڭ 57 پروتسەنتى داۋىس بەرگەن. ال سۋناكانى 60 مىڭ كونسەرۆاتور قولداپ داۋىس بەرگەن.
ءوزىنىڭ ۇگىت-ناسيحات جۇمىسىندا تراسس بريتانياداعى ەنەرگەتيكالىق داعدارىستى شەشۋگە ۋادە بەردى. ول سونىمەن بىرگە ۋكراينانى قولداۋدى جالعاستىرىپ، رەسەيدىڭ قازىرگى ساياساتىنا قارسى تۇراتىنىن جەتكىزدى.
بوريس دجونسون 2019 جىلى تەرەزا مەي پرەمەر-مينيستر قىزمەتىنەن كەتكەننەن كەيىن كونسەرۆاتيۆتى پارتياسىن باسقارىپ، پارلامەنت سايلاۋىندا جەڭىسكە جەتكەن.
ليز تراسستىڭ جاسى 47-دە. جاس كەزىندە ليبەرال-دەموكراتيالىق پارتيانىڭ مۇشەسى بولعان. بىراق كەيىن كونسەرۆاتورلارعا قوسىلدى. ول دجەيمس كەمەرون مەن تەرەزا مەي ۇكىمەتى كەزىندە مينيستر بولعان، 2021 جىلدان بەرى ۇلىبريتانيانىڭ سىرتقى ىستەر ءمينيسترى قىزمەتىنە تاعايىندالعان. ول ۇلىبريتانيا تاريحىنداعى ءۇشىنشى ايەل پرەمەر-مينيستر بولماق.
Abai.kz
