قازاق كىتابى قازاققا جەتىپ جاتىر. جەتكىزىپ جاتقان انا تىلىمىزدە كىتاپ شىعاراتىن باسپاگەرلەر.

از كەم شەگىنىس جاسايتىن بولساق، قازاق مەديا كەڭىستىگىندە توڭكەرىس جاساعان قالامگەر نۇرجان قۋانتايۇلىنىڭ اسىل بەينەسى كوز الدىمىزعا كەلەدى. كوز الدىمىزعا كەلەدى دەگەن سەبەبىمىز قازاقيلىعى مول سەمەي وبلىسىن ەلباسيزم كەزىندە شقو وبلىسىنا قوسۋدا جىبەرگەن ولقىلىقتىڭ ورنىن تولتىرىپ، اعا گازەتپىز دەپ كەۋدە قاعاتىن «ەگەمەن قازاقستاندى» شاڭ قاپتىرعان مەديا ابجىلدىگى.

مەديا ابجىلدىك دەگەنىمىزدىڭ استارىندا ءار اپتا سايىن وبلىسىمداعى قازاق رۋحانياتىندا ءوز ورنى بارلار مەن سول جايىندا ءسوز قوزعاپ جۇرگەندەردى ادەبيەت ايدىنا شىعارا بىلەتىن كاسىبي ايداھارلىق تانىتتى.

سول ايداھارلىق سەمەي اباي اتاۋىمەن جەكە وبلىس اتانعاندا مەرەي قارت تاراپىنان ءوز جالعاستىعىن تاپقاندىعى كوڭىلدى قۋانتادى.

بىراق، نۇرجاننىڭ جاڭاشىلدىعى اۋداندىق گازەتتەردى ءبىر ورتالىققا باعىندىرۋى ءدال قازىر «سەمەي تاڭى» تاراپىنان ءوز جالعاستىعىن تاپقانىمەن ءبىر تامىرى كەم سوعىپ جاتىر. سەبەبى قالام قۋاتى كەم بوردۋليحا مەن بەسقاراعاي عانا «سەمەي تاڭى» قۇشاعىنا قۇلاۋعا بەيىل تانىتقانى تاڭ قالدىرمايدى. جازۋشىلار وداعى وسى ولقىلىقتىڭ ورنىن تولتىرۋ ءۇشىن ءار وبلىستا «قازاق ادەبيەتىنىڭ» قوسىمشاسىن اشۋدى ءجون دەپ تاپتى. ءبىز جۋرناليستەر بۇنى جاڭادان قۇرىلعان وبلىستارداعى اۋداندىق گازەتتەردىڭ پيعىلى بولەكتەردىڭ جۇتقىنشاعىندا جۇتىلىپ كەتپەۋىنە دەگەن جازۋشىلار وداعىنىڭ اعالىق ءىلتيپانىنان دەپ بىلەمىز.

ەلباسيزم كەزىندە باسپاگەرلەردى تەندرگە تەلمىرتتى. قازاقستاندا 3 مىڭ اۋىلدىق وكرۋگ پەن 7 مىڭ مەكتەپ بارلىعى ولاردى انا تىلىمىزدەگى كىتاپپەن قامتاماسىز ەتۋ كەرەكتىگى ەستەن شىعارىلىپ، 2 مىڭ مەن 5 مىڭ اراسىنداعى كىتاپ شىعارۋدى باسپاگەرلەرگە مىندەتتەپ دوستاردى ءبىر-برىمەن قاس دۇشپانعا اينالدىراتىن ءۇردىستى ومىرگە اكەلىپ، كىتاپكەرلەردى ءوزارا قاس دۇشپانعا اينالدىردى.

كىتاپ نارىعى تەك قانا انا تىلىمزدەگى قالامگەرلەردىڭ تۋىندىلارىن وقىرماندارعا ۇسىنۋدان تۇرمايتىندىعى زيالى قاۋىم ساناسىنان كۇشپەن ىعىستىرتىلىپ، كسرو كەزىندەگى قالىپتاسقان اۋدارماشىلار قاۋىمى مەن رەداكتورلار القاسى مۇلدەم نازاردان تىس قالدىرىلدى.

ەندى وسى قاتەلىكتەن قورىتىندى شىعاراتىن كەز كەلگەن سياقتى. وعان اعىنعا قارسى جۇزگەن نۇرجان قۋانتايۇلىنىڭ تاعدىرى كۋا دەگىم كەلەدى. قازاق باسپاگەرلەرىنىڭ تراگەدياسىن ۇلتتىق قۋانىشقا اينالدىراتىن كەز كەلگەن سياقتى. قازاق كىتابىنىڭ باعاسىنا 4-6 جىل مەملەكەت دوتاتسيا جاساسا، جانە رەسەيدەن اعىلعان كىتاپتىڭ قازاقشا اۋدارماسى بولۋىن تالاپ ەتەتىن زاڭدى قابىلداسا، ءبىز ءسوز ەتكەن نۇرجاننىڭ كاسىبي ارمانى ورىندالادى.

ءابىل-سەرىك الىاكبار

Abai.kz