ليۋكسەمبۋرگتە ەۋروپالىق وداق پەن قازاقستاننىڭ ىنتىماقتاستىق كەڭەسى وتەدى. بۇل تۋرالى Abai.kz اقپاراتتىق پورتالى حابارلايدى.

تاراپتار كەڭەيتىلگەن سەرىكتەستىك پەن ىنتىماقتاستىق تۋرالى كەلىسىم اياسىنداعى ءوزارا ءىس-قيمىلدى تالقىلايدى دەپ كۇتىلۋدە. جيىن 14 قازان كۇنى ليۋكسەمبۋرگتە وتەدى. بۇل ەۋروپالىق وداق پەن قازاقستان اراسىنداعى ىنتىماقتاستىق كەڭەسىنىڭ 21-ءشى وتىرىسى.

تاراپتار ساياسي، ەكونوميكالىق جانە ساۋدا ماسەلەلەرىن، سونداي-اق قاۋىپسىزدىك سالاسىنداعى ىنتىماقتاستىقتى تالقىلايدى. «Global Gateway» توبىنىڭ باستامالارىنا جانە اعىمداعى ايماقتىق جانە حالىقارالىق ءىس-شارالارعا ەرەكشە نازار اۋدارىلادى.

وعان كىمدەر قاتىسادى؟

ەۋروپالىق وداق تاراپىنان وتىرىستى ۆەنگريانىڭ سىرتقى ىستەر جانە ساۋدا ءمينيسترى پەتەر سيارتو جۇرگىزەدى، ول ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلىنىڭ اتىنان قاتىسادى.

قازاقستاندىق دەلەگاتسيانى پرەمەر-ءمينيستردىڭ ورىنباسارى، سىرتقى ىستەر ءمينيسترى مۇرات نۇرتىلەۋ باسقارادى.

قازاقستان مەن ەۋروپالىق وداق اراسىنداعى ءوزارا ساۋدا اعىمداعى جىلدىڭ بەس ايىندا 20,2 ميلليارد دوللارعا جەتكەنى، بۇل ەلدىڭ جالپى تاۋار اينالىمىنىڭ 37 پايىزىن قۇرايتىنى بۇرىن حابارلانعان بولاتىن. بۇل مالىمەتتەردى مۇرات نۇرتىلەۋ ەۋرووداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جوزەپ بوررەلدىڭ قازاقستانعا ساپارى بارىسىندا ءمالىم ەتتى.

Abai.kz