حاماس-تىڭ جاڭا باسشىسى. ال يزرايلمەن كەلىسسوزدەر «بارعان سايىن قيىندايدى»

الەمدىك اقپاراتتاعى كەشەگى كۇننىڭ باستى جاڭالىعى – «حاماس» قوزعالىسىنىڭ جەتەكشىسى ياحيا سينۆاردىڭ قازا تابۋى بولدى.

يحرايل: «گازا سەكتورىندا «حاماس» جەتەكشىسى ياحيا سينۆاردىڭ كوزى جويىلدى. گازادا 3 سودىردىڭ جويىلعان. ولاردىڭ ءبىرى سينۆار»، - دەپ مالىمدەدى.

وسىدان سوڭ، «حاماس» مالىمدەمە جاساپ، سينۆاردىڭ قازا تاپقانى تۋرالى اقپاراتتى تەرىستەگەن. «ياحيا سينۆاردىڭ قازاسى تۋرالى اقپارات جالعان»، - دەدى «حاماس».

ارتىنشا، يزرايل تارابى «حاماس» ليدەرى ياحيا سينۆاردىڭ كوزى جويىلعانىن حابارلاپ، فوتو مەن ۆيدەو دالەل جاريالادى.

ال يزرايل پرەمەرى نەتانياحۋ ياحيا سينۆاردىڭ قازاسىنا قاتىستى ۇندەۋ جاسادى:

«ءبىر جىل بۇرىن ءبىز سۋككوتتى اتاپ ءوتىپ جاتتىق. سول كەزدە ياحيا سينۆار يزرايلگە قارسى 7 قازانداعى شابۋىلدى جوسپارلاپ بولىپ جاتتى. بۇگىن ياحيا سينۆاردىڭ كوزى جويىلدى!

يزرايل تاريحىنداعى ەڭ قاسىرەتتى شابۋىلدى جاساعان ادامدى، مىڭداعان يزرايل ازاماتىن ءولتىرىپ، جۇزدەگەنىن تۇتقىنعا العان ياحيانى ءبىزدىڭ اسكەر ءولتىردى!»، - دەپ مالىمدەدى.

نەتانياحۋ سينۋاردىڭ ءولىمىن «ماڭىزدى بەتبۇرىس» دەپ اتاپ، تۇتقىن ۇستاپ وتىرعان حاماس سودىرلارىن بەرىلۋگە شاقىردى. «ياحيا ءولدى. ەندى قارۋلارىن تاستاپ، ءوز ەركىمەن بەرىلگەندەردى ءتىرى قالدىرامىز. بۇل ۋادە!»، - دەدى.

تۇركيا «حاماس» تاراپىنان رەسمي اقپاراتتى كۇتەتىنىن ايتتى. ال كاتار «حاماس» باسشىلىعى تاراپىنان سوڭعى 3-4 كۇندە مۇلدە بايلانىس بولماعانىن ايتتى. اقش-تان بايدەن سويلەپ، ياحيا سينۆاردىڭ قازاسىن ۋساما بەن لادەننىڭ قازاسىمەن تەڭەدى!

حالەد ماشال ياحيا سينۆار قازا بولعاننان كەيىن حاماس قوزعالىسى باسشىسىنىڭ مىندەتىن اتقارۋشى مىندەتىن وزىنە الدى، - دەپ حابارلادى ليۆاندىق تەلەارنالار.

ولاردىڭ ايتۋىنشا، ەندى ماشال كەلىسسوزدەرگە قاتىساتىن نەگىزگى تاراپتارمەن بارلىق كوممۋنيكاتسيالارعا جانە تۇتقىندارمەن پروبلەمالاردى شەشۋگە جاۋاپ بەرەدى.

سونداي-اق، دەرەككوزدەر تەلەارناعا «حاماس باسشىلىعى تۇرىك، كاتار جانە مىسىرلىق رەسمي تۇلعالاردى وزدەرىنىڭ ساياسي بيۋروسىنىڭ باسشىسى ياحيا سينۆارانىڭ تەل-ءال-سۇلتانداعى وپەراتسيا كەزىندە قازا بولعانى تۋرالى حاباردار ەتكەنىن» راستادى.

سونداي-اق، حاماس-تىڭ حابارلاۋىنشا، سينۆار ولتىرىلگەننەن كەيىن تۇتقىنداردى الماسۋ جانە گازا سەكتورىنداعى سوعىستى توقتاتۋ تۋرالى كەلىسسوزدەر «بارعان سايىن قيىنداي تۇسەدى».

حاماس پالەستينالىق قوزعالىسىنىڭ جاڭا باسشىسى حالەد ماشال 68 جاستا.

Abai.kz