الماتى قالاسىندا رەسەي اسكەريلەرىنىڭ قولىنان وققا ۇشقان ۋكراينا باتىرى - مەرگەن الەكساندر ماتسيەۆسكيگە ارنالعان ەسكەرتكىش پايدا بولدى.

باسقىنشىلارعا تۇتقىنعا تۇسكەن بەلگىسىز سولدات وكوپتا تەمەكىسىن شەگىپ بولىپ، «سلاۆا ۋكراينە» دەپ ايقايلاعاندا وعان وق جاۋدىرىپ ولتىرگەن ۆيدەونى ءبارىڭىز كوردىڭىزدەر.

ەسكەرتكىشتە دە بەلگىسىز ءمۇسىنشى مەرگەن ماتسيەۆسكيدى قولىنا تەمەكى ۇستاعان قالپىندا بەينەلەگەن.

سول ۆيدەوداعى ءولىم جازاسىنا كەسىلگەن چەرنيگوۆ وبلىسىنىڭ 119-شى جەكە اۋماقتىق قورعانىس بريگاداسىنىڭ 163-ءشى باتالونىنىڭ مەرگەندەر روتاسىنىڭ مەرگەنى الەكساندر ماتسيەۆسكيگە وتكەن جىلدىڭ ناۋرىز ايىندا پرەزيدەنت ۆلاديمير زەلەنسكي قايتىس بولعاننان كەيىن ۋكراينا باتىرى اتاعىن بەردى.

ەسكەرتكىشتى «دەموس» قوعامدىق ۇيىمىنىڭ جەتەكشىسى، بۇرىنعى يمام Turar Kussain ءوز اقشاسىنا جاساتتى. ءمۇسىنشىنىڭ اتى-ءجونى جاريا ەتىلمەيدى- ول ءانونيمدى قالعىسى كەلدى.

«ەسكەرتكىش ۋكراين حالقىنىڭ ەگەمەندىك پەن تاۋەلسىزدىك ءۇشىن كۇرەسىن مويىنداۋ مەن قولداۋىنىڭ كورىنىسى بولدى. بۇل قازاقتار مەن ۋكرايندىقتار ءۇشىن بوستاندىق ءۇشىن قانشا تولەۋ كەرەك ەكەنىن ەسكە سالا الاتىنىنا سەنىمدىمىن»، - دەپ ءتۇسىندىردى تۇراربەك.

قازىر ەسكەرتكىش ۋاقىتشا ۋكرايناعا گۋمانيتارلىق كومەك كورسەتۋ شتابىنىڭ اۋماعىندا، گۋريلەۆا كوشەسى، 106ا مەكەنجايىندا ورنالاسقان.

ەندى قۇسايىنوۆ ءمۇسىندى ۋكراينانىڭ قازاقستانداعى ەلشىلىگىنە «بارلىق قازاق حالقىنىڭ اتىنان» سىيعا تارتپاق.

مارجان جۇمابەك

Abai.kz