قازىرگى ۋاقىتتا جاستار ساياساتىنا كوڭىل ءبولۋ - جالپى ەل ساياساتىنىڭ اجىراماس بولىگىنە اينالعان. جاستار ساياساتىن دامىتۋ - قازاقستاندا ترەندتە دەسەك جالعان ايتپاعان بولار ەدىك. 

وسى رەتتە ءبىز ساياساتتانۋشى اسحات قاسەنعاليدى سوزگە تارتتىق:

– جاستار ساياساتىنداعى ماڭىزدى پروبلەما NEET ساناتىنا كىرەتىن جاستار توبى بولىپ تابىلادى. ولار ەشقايدا جۇمىس ىستەمەيتىن جانە وقىمايتىن ادامدار ساناتىنا جاتادى. بۇعان الەۋمەتتانۋشى عالىمدارىمىز كاسiپتiك باعدارلاۋدىڭ السiزدiگi ىقپال ەتەدi دەپ ەسەپتەيدى. سول سەبەپتى، ەكتەپتەر مەن كوللەدجدەردiڭ تۇلەكتەرi وزدەرiنە سايكەس كەلمەيتiن ماماندىقتاردى تاڭدايدى دا كەيىنەن ومىرلىك وكىنىشكە ۇرىنادى.

وسى ورايدا ءبىزدىڭ ايتپاعىمىز جاستار تاراپىنان ماماندىقتى تاڭداۋعا وتە ءجيى اتا-انالار، پەداگوگتار اسەر ەتەدى. اتا-انالار، پەداگوگتار جاس ادامنىڭ نەنى قالايتىنا قۇلاق اسپايدى دا، ءوز پىكىرىن اشىپ ايتۋىنا ەش جول بەرمەيدى. كەرىسىنشە، قانداي دا ءبىر ماماندىققا دەگەن سۇرانىستىڭ بارلىعى جانە بىتىرگەننەن كەيىن الاتىن جوعارى جالاقى تۋرالى ايتىپ ميىن ءشىرىتىپ قولدارىنا بەرەدى. بىتىرگەننەن كەيىن جۇمىس تابۋ تاپپاۋى ەشكىمنىڭ باسىن قاتىرمايدى. تەك سونى عانا وقۋ كەرەك پە، وقۋ كەرەك دەگەن ۇستانىم عانا جاس جىگىت پەن قىزدىڭ ميىنا سىڭىرىلەدى. ناتيجەسىندە وقۋ ورنىندا وقيتىن ادام ءۇشىن وقۋ جىلدارى زايالىقپەن وتەدى دە، ال وقۋدى بىتىرگەنى تۋرالى الىنعان قۇجاتى ەش جەرگە جارامسىز بولىپ قالا بەرەدى. كاسىپتىك باعدارلاۋشىلاردىڭ پىكىرىنشە كوبىنە قازاق ۇلتىنا ءتان عادەت ەڭبەك نارىعىندا تالاپ ەتىلمەيتىن ماماندىقتى تاڭداۋ تراگەدياسى. اقىپ اياعىندا، ءبىتىرۋشى ديپلوم الىپ، جۇمىس تابا الماي، جۇمىسسىزدار قاتارىن تولىقتىراتىندىعىن كاسىپتىك باعدارلاۋشىلار زارىن قىلىپ ايتۋدا.

قازاقستاندا جاستاردى قولداۋدىڭ جاڭا شارالارى بەلسەندى ازىرلەنىپ، ەنگىزىلىپ جاتقانىن اتاپ وتۋگە بولادى. بۇل ءبىلىم بەرۋدە، جۇمىسقا ورنالاسۋدا، بيزنەس-دامۋدا، تۇرعىن ءۇي ماسەلەسىندە قولداۋ كورسەتۋدى، سونداي-اق زياندى ادەتتەردىڭ الدىن الۋدى قامتيدى. مۇنداي باستامالاردىڭ جوعارى دەڭگەيدە ماقۇلدانۋى مەن قولداۋىنا يە بولۋى ماڭىزدى، بۇل وسى پروبلەماعا مەملەكەتتىك دەڭگەيدە ەلەۋلى كوزقاراستى بىلدىرەدى.

Abai.kz