ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى – قازاقستانداعى ەڭ تانىمال ءارى بەدەلدى ءبىلىم وردالارىنىڭ ءبىرى. ونىڭ قالىپتاسۋى مەن دامۋى وتاندىق قۇقىق سالاسىنىڭ تاريحىمەن تىعىز بايلانىستى.

بۇل فاكۋلتەت ەلىمىزدىڭ قۇقىقتىق جۇيەسىن جەتىلدىرۋگە زور ۇلەس قوسىپ كەلە جاتقان بىلىكتى مامانداردى دايارلايتىن ورتالىق بولىپ سانالادى. فاكۋلتەتتىڭ تۇلەكتەرى اراسىندا مەملەكەتتىك قايراتكەرلەر، سوت جۇيەسىنىڭ بەدەلدى وكىلدەرى، زاڭگەر-عالىمدار، ادۆوكاتتار مەن پروكۋرورلار بار. ولاردىڭ جەتىستىكتەرى فاكۋلتەتتىڭ بەدەلىن ودان ءارى ارتتىرىپ، جاس ۇرپاققا ۇلگى بولۋدا. ءبىلىم بەرۋ باعدارلامالارى زاماناۋي تالاپتارعا ساي جاساقتالعان. ستۋدەنتتەر تەوريالىق بىلىممەن قاتار تاجىريبەلىك داعدىلاردى دا مەڭگەرەدى. فاكۋلتەت زاماناۋي قۇقىقتىق ماسەلەلەردى شەشۋگە باعىتتالعان زەرتتەۋلەرمەن اينالىسىپ، ستۋدەنتتەرگە عىلىمي ىزدەنىستەر جاساۋعا مۇمكىندىك بەرەدى. زاڭ فاكۋلتەتىندە جوعارى بىلىكتى وقىتۋشىلار، ونىڭ ىشىندە پروفەسسورلار، زاڭ عىلىمدارىنىڭ دوكتورلارى مەن كانديداتتارى ءدارىس بەرەدى. سونداي-اق، ستۋدەنتتەردى تاجىريبەدەن وتكىزۋ ءۇشىن سوتتاردا، پروكۋراتۋرا ورگاندارىندا، ادۆوكاتتىق كەڭسەلەر مەن مەملەكەتتىك مەكەمەلەردە وقۋ تاجىريبەلەرى ۇيىمداستىرىلادى. حالىقارالىق ىنتىماقتاستىق اياسىندا ستۋدەنتتەر مەن وقىتۋشىلار الىس جانە جاقىن شەتەلدەردىڭ جەتەكشى ۋنيۆەرسيتەتتەرىمەن بايلانىس ورناتىپ، اكادەميالىق ۇتقىرلىق باعدارلامالارىنا قاتىسادى. فاكۋلتەتتە عىلىمي-زەرتتەۋ جۇمىستارىنا ۇلكەن ءمان بەرىلەدى. اسىرەسە، قۇقىقتىق رەفورمالار، ادام قۇقىقتارىن قورعاۋ، ەكولوگيالىق قۇقىق جانە حالىقارالىق قۇقىق سالالارىندا كوپتەگەن ماڭىزدى زەرتتەۋلەر جۇرگىزىلۋدە. ستۋدەنتتەر دە عىلىمي كونفەرەنتسيالار مەن بايقاۋلارعا بەلسەنە قاتىسىپ، زاڭ عىلىمىنا ءوز ۇلەستەرىن قوسۋدا. قازۇۋ زاڭ فاكۋلتەتىنىڭ تۇلەكتەرى ەلدىڭ زاڭ سالاسىنىڭ ءارتۇرلى دەڭگەيلەرىندە تابىستى جۇمىس ىستەپ كەلەدى. ولار:

• قازاقستان رەسپۋبليكاسى جوعارعى سوتىنىڭ سۋديالارى;
• پروكۋراتۋرا جانە ادۆوكاتۋرا وكىلدەرى;
• مەملەكەتتىك باسقارۋ ورگاندارىنىڭ باسشىلارى;
• حالىقارالىق ۇيىمداردىڭ قۇقىقتىق كەڭەسشىلەرى.

زاڭ فاكۋلتەتى جىل سايىن مەملەكەت پەن قۇقىقتىڭ وزەكتى ماسەلەلەرى جونىندە حالىقارالىق جانە رەسپۋبليكالىق كونفەرەنتسيالاردىڭ، سونىمەن قاتار قازاقستان رەسپۋبليكاسى ستۋدەنتتەرى اراسىندا قۇقىق پاندەرىنەن وتكىزىلەتىن ءارتۇرلى وليمپيادالاردىڭ تۇراقتى ۇيىمداستىرۋشىسى بولىپ كەلەدى. فاكۋلتەتتە عىلىمي وقۋ-ادىستەمەلىك ادەبيەتتىڭ باي قورى جيناقتالعان. سونداي-اق، مۇراعات ماتەريالدارى جيناقتالعان كونە كىتاپحاناسى دا بار. زاڭگەر ماماندىعىن تاڭداپ قانا قويماي ونى بار جان-تانىڭمەن قىزىعىپ ىزدەنىپ، جۇمىس جاساۋ ءار تۇلەكتىڭ وتان الدىنداعى پارىزى دەپ  بىلەمىن. سەبەبى،زاڭ سالاسى ادام ءومىرىنىڭ كەپىلى ىسپەتتەس. شىنايى جانە ادىلەتتى شەشىمدەر قابىلداۋعا،ءتارتىپ ورناتۋعا،ادام ءومىرىنىڭ قاۋىپسىزدىگىنە تىكەلەي جاۋاپتى شاكىرتتەرىمىزگە قوعام الدىندا ارتىلار مىندەتتە مول.

نۋرباكىتوۆا ج.ن.

ءال-فارابي اتىنداعى قازۇۋ مەملەكەت جانە قۇقىق تەورياسى مەن تاريحى، كونستيتۋتسيالىق جانە اكىمشىلىك قۇقىق كافەدراسىنىڭ وقىتۋشى 

Abai.kz