اۋەلى اقپاراتتان باستايىق: وتكەن سەنبىدە ۋكراينانىڭ سوققىلاۋشى دروندارى كەزەكتى رەت تاتارستاننىڭ قازان قالاسىنا شابۋىلدادى.

تاتارستان رايىسى (باسشىسى) رۋستام ميننيحانوۆ: «قازانعا شابۋىل جاساعان 8 سوققىلاۋشى دروننىڭ ۇشەۋى قورعانىس ونەركاسىبى كەشەنىنىڭ نىساندارىن كوزدەگەن. قالعان دروندار تۇرعىن ۇيلەرگە ءتۇستى»، - دەپ ايتتى.

ۋكراينا تاتارستاندى العاش رەت شابۋىلداپ وتىرعان جوق. وسىمەن 6-ءشى رەت ۋكراينانىڭ وت بۇركەگەن تەمىر قۇستارى تاتارستاننىڭ مازان الدى.

2024 جىلدىڭ 2 ءساۋىرى: رەسەي قۇرامىنداعى فەدەرالدى سۋبەكت سانالاتىن تاتارستان جويقىن سوققىنىڭ استىندا قالدى. تاتارستاننىڭ «الابۇعا» دەپ اتالاتىن ارنايى ەكونوميكالىق ايماعىنا كاميكادزە دروندار ارقىلى سوققى جاسالدى. شابۋىلعا جارىلىس قۋاتى كۇشتى دروندار قولدانىلعان. ول جولى سوققى تاتارستاننىڭ «الابۇعاسىندا» ورنالاسقان «Shahed» دروندارىن قۇراستىراتىن زاۋىتقا جاسالعان. سوققى «الابۇعامەن» قاتار «نيجەكامسكى» تەحنولوگيالىق وندىرىسىنە دە جاسالعان. بۇل نىسان ۋكراينا شەكاراسىنان 1000 شاقىرىم قاشىقتىقتا ورنالاسقان.

2024 جىلدىڭ 17 ءساۋىر: قازان اۋەجايى جۇمىسىن ۋاقىتشا توقتاتتى. سەبەبى – ۋكراينادان سوققىلاۋشى دروندار ۇشىپ كەلىپ، قاۋىپ ءتوندىردى. سول جولى نيجەكامسكى اۋەجايى دا جۇمىسىن توقتاتتى. قازان اۆيازاۋىتى دابىل قاقتى. نابەرەجنىي لەلنوۆ اۋدانى ماڭىندا ۋكراينا دروندارى ايقاس سالدى.

2024 جىلدىڭ 15 مامىرى: ۋكراينا دروندارى تاعى دا تاتارستانعا ۇشىپ جەتتى. بۇل جولى قازان اۋەجايىنان 25 شاقىرىم جەردەگى ۆەرحني ۋسلوندا جارىلىس داۋىستارى ەستىلدى.

2024 جىلدىڭ 23 مامىرى: ۋكراينا دروندارى الابۇعا مەن نيجنەكامسكى اسپانىندا اتويلاپ ءجۇردى. بىرنەشە كاسىپورىن جۇمىسىن توقتاتىپ، ادامدارىن ەۆاكۋاتسيالاۋعا ءماجبۇر بولدى.

2024 جىلدىڭ 31 مامىرى: قازان مەن نيجنەكامسكى اۋەجايلارى تاعى دا درون سوققىسىنان ساقتانىپ، جۇمىسىن كىدىرىستەتتى. ۋكراينا دروندارى بۇل جولى اتنينسكى اۋدانىنداعى زاۋىتقا جانە قازاننىڭ سولتۇستىك بولىگىندەگى «ورگسينتەز» زاۋىتتارىنا سوققى جاسادى.

وسىلايشا ماسكەۋدىڭ باسقىنشىلىق سوعىسى ءۇشىن بوداندىقتاعى تاتارستان كەزەك-كەزەك تاياق جەپ جاتىر...

Abai.kz