سارسەنبى, 12 اقپان 2025
جاڭالىقتار 119 0 پىكىر 12 اقپان, 2025 ساعات 14:28

ەلگە قايتارىلعان اكتيۆتەر ەسەبىنەن اباي وبلىسىندا ارنايى اقكو سالىنادى

سۋرەت ۇكىمەت سايتىنان الىندى

قر ۇكىمەتى ەلگە قايتارىلعان زاڭسىز يەمدەنىلگەن اكتيۆتەر ەسەبىنەن الەۋمەتتىك ماڭىز بار جوبالاردى جۇزەگە اسىرۋ جونىندەگى جۇمىستى جالعاستىرۋدا، دەپ حابارلادى ۇكىمەتتىڭ ءباسپاسوز قىزمەتى.

ۇكىمەت سەمەي قالاسىنداعى 100 ورىندىق مەديتسينالىق-الەۋمەتتىك مەكەمەنىڭ قۇرىلىسىنا 2,6 ملرد تەڭگە ءبولدى، بۇل ازاماتتاردى ساپالى مەديتسينالىق كومەكپەن قامتۋدى ارتتىرۋعا مۇمكىندىك بەرەدى.

بۇگىنگى تاڭدا ۇكىمەت ارناۋلى مەملەكەتتىك قوردان الەۋمەتتىك ماڭىزى بار 13 نىساننىڭ قۇرىلىسىنا شامامەن 59,4 ملرد تەڭگە ءبولدى. ولاردىڭ قاتارىندا اتىراۋ وبلىسىنداعى جامانسور، جەتىسۋ وبلىسىنىڭ رۋدنيچنىي جانە كوكساي، ۇلىتاۋ وبلىسىنداعى مىڭادىر جانە قاراجال اۋىلدارىنداعى مەكتەپتەر، تۇركىستان وبلىسى تەمىرلان اۋىلىنداعى مۋزىكالىق مەكتەپ، اقمولا جانە الماتى وبلىستارىنداعى زەرەندى جانە جالاعاش اۋىلدارىنداعى سپورت كەشەندەرى، ريددەردەگى كوپسالالى اۋرۋحانا كەشەنى، شىمكەنتتەگى جاتاقحانا، اقتوبە مەن پەتروپاۆلداعى 2 بالاباقشا بار.

سونىمەن قاتار "زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى" زاڭدا كوزدەلگەن سۋبەكتىلەردىڭ قاراجاتى ەسەبىنەن ارقالىق قالاسىندا دارىندى سپورتشى بالالارعا ارنالعان سپورت كەشەنى، استانا قالاسىندا تىرەك-قيمىل اپپاراتى بۇزىلعان بالالارعا ارنالعان وڭالتۋ ورتالىعى، الماتىدا ەرەكشە قاجەتتىلىكتەرى بار جاندارعا ارنالعان جاتتىعۋ ورتالىعىنىڭ قۇرىلىسى جۇرگىزىلۋدە. جۇمىس جالعاسىپ جاتىر.

Abai.kz

0 پىكىر