قر پرەمەر-ءمينيسترى ولجاس بەكتەنوۆ ۇكىمەت وتىرىسىندا عىلىمدى تسيفرلاندىرۋ باعىتىندا بىرقاتار تاپسىرما بەردى.

«وتاندىق عىلىمنىڭ تيىمدىلىگىن ارتتىرىپ، ينۆەستيتسيالىق تارتىمدىلىعىنىڭ بارلىق پروتسەستەرى اشىق بولۋىن قامتاماسىز ەتۋ ءۇشىن جۇمىستاردى بارىنشا جانداندىرۋ قاجەت بولادى»، - دەگەن ۇكىمەت باسشىسى مىنانداي تاپسىرمالار بەردى:

1. عىلىم مينيسترلىگى مۇددەلى مەملەكەتتىك ورگاندارمەن بىرلەسىپ، عىلىم ينستيتۋتتارى مەن يننوۆاتسيالىق وندىرىستەردىڭ اۋماقتىق شوعىرلانۋىن ەسكەرە وتىرىپ، عىلىمي قالاشىقتار قۇرۋ تۇجىرىمداماسىن ازىرلەۋى ءتيىس.
2. اكىمدىكتەر ۇلتتىق ەكونوميكا، عىلىم، قارجى مينيسترلىكتەرىمەن بىرلەسىپ، وڭىرلەر بولىنىسىندە عىلىمدى دامىتۋ جونىندەگى ءىس-شارالاردى دەكومپوزيتسيالاۋ جۇمىسىن جۇرگىزۋى قاجەت. ءاربىر اكىمدىك عىلىمي-تەحنولوگيالىق سەسسيالار وتكىزىپ، عىلىمدى دامىتۋ جونىندە كەشەندى شارالار قابىلداۋى ءتيىس.
3. عىلىم جانە تسيفرلاندىرۋ مينيسترلىكتەرى جىلدىڭ سوڭىنا دەيىن تسيفرلىق عىلىم پورتالىن ىسكە قوسۋى ءتيىس. وندا بارلىق عىلىمي جوبالاردىڭ، گرانتتاردىڭ، زەرتتەۋ ناتيجەلەرى مەن جاريالانىمداردىڭ دەرەكقورلارىن ينتەگراتسيالاۋ كەرەك. عىلىمي زەرتتەۋلەر مەن ازىرلەمەلەردى ەنگىزۋ ءۇشىن جاساندى ينتەللەكت تەحنولوگيالارىن دا پايدالۋ قاجەت.

بۇل تاپسىرمالاردىڭ جۇزەگە اسىرىلۋى قر پرەمەر-ءمينيسترىنىڭ ورىنباسارى ەرمەك كوشەرباەۆقا جۇكتەلدى.

Abai.kz