باس پروكۋراتۋرا: تەمىر جول جەلىسىن زاڭسىز يەمدەنگەن
سوت «كاسكور-ترانسسەرۆيس» اق-نا ماگيسترالدىق تج جەلىسىن مەملەكەتتىك مەنشىككە بەرۋدى مىندەتتەدى.
باس كولىك پروكۋراتۋراسى جەكە كومپانيانىڭ ماڭعىشلاق ستانتسياسىنان اقتاۋ تەڭىز پورتىنا دەيىنگى ماگيسترالدىق تەمىرجول جولدارىن يەلەنۋ فاكتىسىن انىقتادى.
قولدانىستاعى زاڭناماعا سايكەس ماگيسترالدىق تەمىرجول جولدارى مەملەكەت مەنشىگىندە بولۋى كەرەك.
اتالعان وبەكتىلەردىڭ ستراتەگيالىق ماڭىزدىلىعىن جانە ولاردى مەملەكەت مەنشىگىنە قايتارۋ قاجەتتىگىن ەسكەرە وتىرىپ، پروكۋراتۋرانىڭ قاداعالاۋ اكتىسى بويىنشا كولىك مينيسترلىگى سوتقا تالاپ ارىزبەن جۇگىندى.
ماڭعىستاۋ وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ 14.03.2025 جىلعى شەشىمىمەن تالاپ ارىز تولىق كولەمدە قاناعاتتاندىرىلدى.
بۇل شەشىم قازاقستاننىڭ كولىك ينفراقۇرىلىمىنىڭ تۇراقتى دامۋىن قامتاماسىز ەتۋدەگى ماڭىزدى قادام بولىپ تابىلادى جانە مەملەكەتتىڭ تەمىر جول جەلىسىنىڭ نەگىزگى وبەكتىلەرىن باقىلاۋىنا كەپىلدىك بەرەدى.
Abai.kz
