"اق جول" دەمپارتياسى كريپتوۆاليۋتا اينالىمىن رەتتەۋ ءۇشىن كريپتوبانك قۇرۋدى ۇسىنىپ، 2018 جىلعى وسىنداي ۇسىنىسىن ەسكە سالدى

«اق جول» فراكتسياسىنىڭ دەپۋتاتتىق ساۋالى

قر پرەمەر-ءمينيسترى و.بەكتەنوۆكە

ۇلتتىق بانكتىڭ توراعاسى ت.سۋلەيمەنوۆكە

پرەزيدەنت ق.توقاەۆ قۇرىلتايدا سويلەگەن سوزىندە تسيفرلىق اكتيۆتەر سالاسىن ىرىقتاندىرۋ بويىنشا شۇعىل شارالار قابىلداۋ قاجەتتىگىن اتاپ ءوتتى.

سوڭعى جىلدارى كريپتوۆاليۋتا الەمدىك قارجى جۇيەسىنىڭ اجىراماس بولىگىنە اينالدى. جىل وتكەن سايىن تسيفرلىق ۆاليۋتالاردى ينۆەستيتسيالاۋ، كاپيتالدى ساقتاۋ جانە ءوزارا ەسەپ ايىرىسۋ قۇرالى رەتىندە قاراستىراتىن قازاقستاندىقتاردىڭ سانى ارتىپ كەلەدى.

الايدا، ەلدە مۇنداي اكتيۆتەردى زاڭدى تۇردە پايدالانۋ ءۇشىن قۇقىقتىق ينفراقۇرىلىم جوق. كەرىسىنشە، كريپتوۆاليۋتالاردىڭ اينالىمىنا تىيىم سالىنعان، بۇل كريپتوۆاليۋتا نارىعىن مەملەكەتتىك رەتتەۋدىڭ جوقتىعىنا، تسيفرلىق كاپيتالدى زاڭسىز اينالىم مەن كولەڭكەلى ەكونوميكا ءۇشىن پايدالانۋعا اكەلەدى. كەيبىر دەرەكتەرگە قاراعاندا، قازاقستانداعى كريپتوۆاليۋتا وپەراتسيالارىنىڭ 90 پايىزى زاڭ شەڭبەرىنەن تىس جۇزەگە اسادى.

وسىعان وراي، 2017-18 جىلدارى «اق جول» فراكتسياسى دەپۋتاتتارى مەن ۇلتتىق بانك پەن ۇكىمەت اراسىنداعى داۋلاردى ەسكە سالۋعا ءماجبۇرمىز، سول كەزدە كريپتوۆاليۋتاعا تىيىم سالۋدى ءدال سولار ەنگىزىپ، سول ارقىلى جىلدار بويى قارقىندى دامىپ كەلە جاتقان جاڭاشىلدىقتىڭ ەلىمىزگە ەنگىزىلۋىن «توقتاتىپ» تاستادى.

تىيىم سالۋ تەك كولەڭكەلى نارىقتىڭ وسۋىنە، زاڭسىز ايىرباستاۋشىلار مەن سۇر سحەمالاردىڭ پايدا بولۋىنا، سالىق تولەۋدەن جالتارۋعا جانە زاڭسىز ارەكەتتەردى قارجىلاندىرۋعا اكەلدى. قازاقستاندىقتار كريپتوالاياقتار مەن زاڭسىز پلاتفورمالاردان، قارجىلىق پيراميدالار مەن سكام-جوبالاردان (OneCoin, BitConnect, Terra/Luna) ۇلكەن كولەمدەگى اقشالارىن جوعالتۋدا. ميللياردتاعان كريپتوۆاليۋتا شەتەلگە زاڭسىز اۋدارىلۋدا، ال مەملەكەت بۇل ترانزاكتسيالاردى باقىلاماعنەان سوڭ، ۇلكەن سالىق رەسۋرستارىن جوعالتۋدا.

ەشبىر ەل تسيفرلىق پروگرەستى توقتاتىپ، تسيفرلىق اكتيۆتەر نارىعىمەن كۇرەسە المايدى، بۇل قۇبىلىس كونتينەنتتەر مەن ەكونوميكالاردى جاۋلاپ الۋدا.

بىراق ەگەر بىردەڭەگە قارسى تۇرۋ مۇمكىن بولماسا، ودان ونىڭ ءبىر عانا جولى بار - «ءتۇسىن دە باسقار»، ياعني، زاڭداستىرۋ جانە رەتتەۋ. فراكتسيامىز 2018 جىلدىڭ 30 مامىرىنداعى دەپۋتاتتىق ساۋالىندا ءدال وسىنى ۇسىنعان بولاتىن (https://akzhol.kz/ru/blog/migrated_6078).

ول كەزدە - ءساتسىز بولعان ەدى.

ال، بۇگىندە، پرەزيدەنتتىڭ تاپسىرماسىن ەسكەرە وتىرىپ، تسيفرلىق اكتيۆتەردى زاڭ اياسىندا باقىلاۋ، ايىرباستاۋ جانە ساقتاۋ فۋنكتسيالارىن وزىنە جۇكتەپ الاتىن كريپتوبانك قۇرۋ سالانى رەتتەۋدىڭ ءتيىمدى قۇرالى بولار ەدى.مۇنداي ينستيتۋتتار تسيفرلىق اكتيۆتەرى زاڭدى اينالىمعا قاتىساتىن جانە فينتەحتىڭ تەحنولوگيالىق پروگرەسسيۆتى سالاسىنىڭ ماڭىزدى بولىگىن قۇرايتىن الدىڭعى قاتارلى ەلدەردە دامىعان.

تسيفرلىق تەحنولوگيالاردى ەنگىزۋدىڭ العاشقى ءتيىمدى مىسالدارى ەلىمىزدە قازىردىڭ وزىندە بايقالۋدا – بۇعان مىسال رەتىندە تسيفرلىق تەڭگەنىڭ كومەگىمەن (جانە ەشبىر ققس شەگىن تومەندەتپەستەن) ءىرى كومپانيالاردىڭ نەگىزسىز بولشەكتەنۋىن انىقتاي العان كاسپي بانك، حالىق بانك جانە قارجى مينيسترلىگى مەن مەملەكەتتىك كىرىستەر كوميتەتىنىڭ ءساتتى جوبالارىن ايتۋعا بولادى.

الايدا، جاھاندىق فينتەح ودان ءارى دامىعان: اقش-تا ءبىرىنشى فەدەرالدى كريپتوۆاليۋتا بانكى Anchorage Digital Bank اشىلدى. ارتىنشا Kraken Bank جانە Custom Bank پايدا بولدى.

شۆەيتساريادا ادال رەتتەۋدىڭ ارقاسىندا SEBA Bank جانە Sygnum Bank قۇرىلدى – كريپتوۆاليۋتالاردى ساقتاۋ، ساۋدالاۋ جانە ينۆەستيتسيالاۋ قىزمەتتەرىن ۇسىناتىن ليتسەنزيالانعان كريپتوبانكتەر.

گەرمانيادا كليەنتتەرگە ەۋرو مەن بيتكويندەردى ءبىر شوتتا ۇستاۋعا مۇمكىندىك بەرەتىن گيبريدتى كريپتوبانك ىسكە قوسىلدى. Fidor Bank كريپتوۆاليۋتا بيرجالارىمەن ىنتىماقتاسىپ، تسيفرلىق اكتيۆتەرگە قاتىستى قىزمەتتەردى ۇسىنادى.

سينگاپۋردىڭ ەڭ ءىرى بانكى DBS ساندىق اكتيۆتەردىڭ ساۋداسىن ۇسىنادى. ليتسەنزياسى بار تولەم كومپانياسى بولىپ تابىلاتىن Xfers كريپتوبانكى سينگاپۋرلىق دوللارعا بەكىتىلگەن XSGD ستەيبل-كوينىن ىسكە قوستى.

سوندىقتان، مەملەكەت باسشىسى ۇكىمەتتەن، پارلامەنتتەن جانە ۇلتتىق بانكتەن تىيىم سالۋ ارقىلى ىلگەرىلەۋدى باسەڭدەتپەي، حالىقارالىق كوشباسشىلارمەن ۇندەسە وتىرىپ، "فينتەحتى" دامىتۋدى تالاپ ەتىپ وتىر.

سوزىنەن ءۇزىندى كەلتىرە كەتەيىن: «تسيفرلىق اكتيۆتەردىڭ زاڭدى اينالىمىن قامتاماسىز ەتۋ، كريپتوايىرباستاۋ قىزمەتىن جۇرگىزۋ جانە تسيفرلىق ماينينگكە ينۆەستيتسيا تارتۋ ءۇشىن وسى سالانى رەتتەۋ ءىسىن ىرىقتاندىرۋدا شۇعىل شارالار قابىلداۋ قاجەت.

بۇل قادام ەلىمىزدىڭ وسى ايماقتاعى تسيفرلىق قارجى تەحنولوگيالارىنىڭ ورتالىعى رەتىندەگى ءرولىن ارتتىرادى. سونداي-اق تسيفرلىق اكتيۆتەردىڭ كولەڭكەلى اينالىمىن ازايتۋعا مۇمكىندىك بەرەدى ءارى سالىق ءتۇسىمىن كوبەيتۋگە سەپتىگىن تيگىزەدى».

«اق جول» فراكتسياسى قاسىم-جومارت كەمەلۇلىنىڭ بۇل بۇيرىعى ەل ەكونوميكاسىندا ۇلكەن ءرول اتقارىپ، جاڭا جوبالاردىڭ، بىلىكتى جۇمىس ورىندارىنىڭ جانە قوعام مەن بيۋدجەتتىڭ جاڭا تابىس كوزدەرىنىڭ الاڭىنا اينالاتىن تۇتاس يننوۆاتسيالىق يندۋستريانى قۇرۋعا مۇمكىندىك بەرەدى دەپ ەسەپتەيدى.

سونىمەن قاتار، ەلىمىزدە مۇنداي ينستيتۋتتىڭ پايدا بولۋى كورشى ەلدەردىڭ وسى قۇرالداردى ءساتتى مەڭگەرۋى جاعدايىندا قازاقستاننىڭ فينتەح سالاسىنداعى كوشباسشى ءرولىن قامتاماسىز ەتە الادى. كريپتا شەكارانى بىلمەيدى، ەگەر ءبىز مۇنى بۇگىن جاساماساق، ەرتەڭ باسقالار جاساپ، تسيفرلىق قارجىلىق اعىندار وزگەلەردىڭ قولىنا وتەدى.

جوعارىدا ايتىلعانداردى ەسكەرە وتىرىپ، «اق جول» قدپ دەپۋتاتتىق فراكتسياسى، بالكىم، گيبريدتى فورماتتا قازاقستاندىق كريپتوبانك قۇرۋ ماسەلەسىن قاراۋدى ۇسىنادى، ونىڭ قاتىسۋشىلارى ۇلتتىق بانك جانە وسى قۇرالداردى ءساتتى جۇزەگە اسىرىپ جاتقان ەكىنشى دەڭگەيلى جەكە بانكتەر بولۋى مۇمكىن.

قۇرمەتپەن،

«اق جول» فراكتسياسىنىڭ دەپۋتاتتارى

ا.پەرۋاشەۆ

ە.بارلىباەۆ

د.ەسپاەۆا

ق.يسا

س.ەرۋباەۆ

ە.بەيسەنباەۆ

Abai.kz