بيىل كوكتەمدە 21 400 كيىك قىرىلعان. بۇل تۋرالى ەكولوگيا جانە تابيعي رەسۋرستار ءمينيسترى ەرلان نىسانباەۆ مالىمدەدى.

ءمينيستردىڭ سوزىنشە، كيىكتەردىڭ جاپپاي قىرىلۋىنا جۇقپالى اۋرۋ ەمەس، تابيعي سەبەپتەر اسەر ەتكەن.

«بۇل – تابيعي قۇبىلىس. كيىكتەردىڭ ءومىر ءسۇرۋ ۇزاقتىعى – ورتا ەسەپپەن 4-5 جىل. كەيبىرى 8-10 جىلعا دەيىن ءومىر سۇرگەنىمەن، قارتايعان، اۋرۋ-سىرقاۋ، ءالسىز كيىكتەر قىستىڭ قاتال جاعدايىنا توتەپ بەرە المايدى. بيىل ولەكسەلەر باتىس قازاقستان، اقتوبە، اتىراۋ، قوستاناي، ۇلىتاۋ جانە قاراعاندى وبلىستارىنان تابىلدى. جالپى سانى – 21 400. سونىڭ ىشىندە ەڭ كوبى – 15 مىڭعا جۋىق كيىك ۇلىتاۋ وبلىسىنان انىقتالدى. ۆەتەرينارلىق ساراپتاما قورىتىندىسى بويىنشا ەشقانداي قاۋىپتى جۇقپالى اۋرۋ تابىلعان جوق», – دەدى نىسانباەۆ ۇكىمەت وتىرىسىنان سوڭ وتكەن بريفينگتە.

ءمينيستردىڭ ايتۋىنشا، كيىك سانىنىڭ ارتۋى دا بۇل كورىنىستى كوزگە انىق بايقاتىپ وتىپ. بۇرىن دا ءار قىستان كەيىن بەلگىلى ءبىر بولىگى تىرشىلىك ەتە الماي، تابيعي سۇرىپتالۋ بولاتىن.

«كيىكتەردىڭ انالىق بولىگىنىڭ 10 پايىزى جىل سايىن تابيعي تۇردە قىرىلىپ وتىرادى. ال جەلتوقساندا كۇيەككە تۇسكەن اتالىقتارى دا السىرەپ، قىستان وتە الماۋى مۇمكىن. بيىل كيىك سانى كوپ بولعاندىقتان، بۇل تابيعي ءولىم كوزگە قاتتى كورىنىپ وتىر», – دەدى مينيستر.

Abai.kz