مەملەكەت باسشىسىنىڭ 2025 جىلعى كوكتەمگى ەگىس جانە كۇزگى جيىن-تەرىن جۇمىستارىن ەرتە قارجىلاندىرۋ جونىندەگى تاپسىرماسىن ىسكە اسىرۋ اياسىندا جەڭىلدەتىلگەن نەسيەلەۋگە وتىنىمدەر قابىلداۋ 2024 جىلعى 29 قاراشادان باستالدى. بۇل اۋىل شارۋاشىلىعى تاۋارىن وندىرۋشىلەرىنە ەگىس ناۋقانىنا دەر كەزىندە دايىندالىپ، تۇقىم، تىڭايتقىش جانە اۋىل شارۋاشىلىعى تەحنيكاسىن ساتىپ الۋعا، سونداي-اق قاجەتتى اگروتەحنيكالىق ءىس-شارالاردى جۇرگىزۋگە مۇمكىندىك بەردى.

كوكتەمگى ەگىس جانە كۇزگى جيىن-تەرىن جۇمىستارىن جۇرگىزۋگە جالپى 700 ملرد تەڭگەگە دەيىن قاراجات باعىتتاۋ كوزدەلىپ وتىر. ونىڭ ىشىندە شامامەن 560 ملرد تەڭگە نارىقتىق كاپيتال كوزدەرىنەن تارتىلۋدا.

بۇگىنگى كۇنگە دەيىن 6 100 اۋىل شارۋاشىلىعى ءوندىرۋشىسى جالپى سوماسى 382,5 ملرد تەڭگەگە قارجىلاندىرىلدى. جالپى 480,5 ملرد تەڭگەگە 7 مىڭعا جۋىق وتىنىمنەن تۇراتىن پۋل قالىپتاستى. ۇكىمەت قابىلداعان شارالاردىڭ ناتيجەسىندە اۋىل شارۋاشىلىعى تاۋارىن وندىرۋشىلەرى قارجىلىق رەسۋرستارعا بارىنشا جەڭىلدەتىلگەن ءارى قولايلى شارتتارمەن قول جەتكىزىپ وتىر.

باعدارلاماعا قاتىسۋشىلاردىڭ اياسىن كەڭەيتۋ ماقساتىندا نەسيە راسىمدەپ، ونى وتەۋگە جۇگىنۋگە بولاتىن قارجى ينستيتۋتتارىنىڭ قاتارى ۇلعايتىلدى.

«اگرارلىق نەسيە كورپوراتسياسى» جىلدىق 5% جەڭىلدەتىلگەن سىياقى مولشەرلەمەسىمەن «كەڭ دالا 2» باعدارلاماسى اياسىندا قارجىلاندىرۋدى جالعاستىرۋدا.

قارجىلاندىرۋ پروتسەسىنە اقمولا، اقتوبە، الماتى، باتىس قازاقستان، قوستاناي، قىزىلوردا، پاۆلودار جانە سولتۇستىك قازاقستان وبلىستارىنىڭ الەۋمەتتىك-كاسىپكەرلىك كورپوراتسيالارى بەلسەندى اتسالىسۋدا. وسى وڭىرلىك قۇرىلىمدار ارقىلى اۋىل شارۋاشىلىعى وندىرۋشىلەرىن قولداۋعا 165,3 ملرد تەڭگە ءبولىندى.

قارجىلاندىرۋعا قولجەتىمدىلىكتى ارتتىرۋ ماقساتىندا نەسيە سوماسىنىڭ 85%-ىنا دەيىن كەپىلدىك بەرۋ تەتىگى ىسكە اسىرىلۋدا. 2025 جىلدىڭ وزىندە جالپى سوماسى 159 ملرد تەڭگەنى قۇرايتىن نەسيەلەرگە 135,2 ملرد تەڭگەگە 943 كەپىلدىك بەرىلدى. بۇل كەپىلدىكتەردى «دامۋ» كاسىپكەرلىكتى دامىتۋ قورى ۇسىنادى.

سونىمەن قاتار، اۋىل شارۋاشىلىعى تەحنيكاسىن جىلدىق 5% مولشەرلەمەمەن جەڭىلدەتىلگەن ليزينگكە بەرۋ باعدارلاماسى جالعاسۋدا. اعىمداعى جىلعا ارنالعان جالپى قارجىلاندىرۋ ءليميتى – 200 ملرد تەڭگە. بۇل اۋىل شارۋاشىلىعى وندىرۋشىلەرىنە 6 000-نان استام وتاندىق تەحنيكانى ساتىپ الۋعا مۇمكىندىك بەرەدى.

قازىرگى تاڭدا 120 ملرد تەڭگەگە 3 200 ءوتىنىم قابىلدانسا، 60,7 ملرد تەڭگەگە 3 435 تەحنيكا بىرلىگىن ساتىپ الۋعا 1 823 شارت جاسالدى.

قولعا الىنعان شارالار اۋىل شارۋاشىلىعىن مەملەكەتتىك قولداۋدىڭ ماڭىزدى قۇرالى بولىپ تابىلادى جانە ەلىمىزدىڭ اگروونەركاسىپتىك كەشەنىنىڭ تۇراقتىلىعىن قامتاماسىز ەتۋگە باعىتتالعان.

Abai.kz