استانادا بالالاردىڭ تەرەزەدەن قۇلاپ كەتۋىن بولدىرماۋ ماقساتىندا پروفيلاكتيكالىق رەيد وتكىزىلدى. قالالىق تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ قىزمەتكەرلەرى ميب توراعالارىمەن بىرگە كوپبالالى وتباسىلاردىڭ پاتەرلەرىن ارالادى، دەپ حابارلايدى ەلوردا اكىمدىگىنىڭ رەسمي سايتى.

ارالاۋ بارىسىندا رەيدكە قاتىسۋشىلار كوپبالالى وتباسىلاردىڭ پاتەرلەرىندەگى تەرەزەلەرگە اشىلۋدى شەكتەيتىن قۇرىلعىلار ورناتىپ، قاۋىپسىزدىك ەرەجەلەرىن ەسكە سالدى.

سۋرەت: gov.kz سايتىنان الىندى.

«جىل باسىنان بەرى ەلوردادا بالالاردىڭ تەرەزەدەن قۇلاپ كەتۋىنىڭ 40-تان استام جاعدايى تىركەلدى. وكىنىشكە قاراي، ءار وتباسىنىڭ ارنايى بلوكاتورلار ورناتۋىنا مۇمكىندىگى جوق. سوندىقتان ءبىز وسىنداي رەيدتەر وتكىزەمىز: تەگىن بلوكاتورلار ورناتىپ، اتا-انالارعا بالالارعا ساق بولۋدىڭ قانشالىقتى ماڭىزدى ەكەنىن تۇسىندىرەمىز»، — دەدى تۇرعىن ءۇي جانە تۇرعىن ءۇي ينسپەكتسياسى باسقارماسى باسشىسىنىڭ ورىنباسارى ەركەبۇلان ماليك.

وتكىزىلگەن رەيد بارىسىندا قورعانىش قۇرىلعىلارى سارىارقا جانە بايقوڭىر اۋداندارىنداعى تۇرعىن ءۇي كەشەندەرىنىڭ تەرەزەلەرىنە ورناتىلدى.

سۋرەت: gov.kz سايتىنان الىندى.

«ءبىزدىڭ ۇيلەرىمىز كوپقاباتتى، سوندىقتان بالالاردىڭ قاۋىپسىزدىگى ءبىز ءۇشىن وتە وزەكتى. تۇرعىن ءۇي باسقارماسىنىڭ وسىنداي باستامالارى اتا-انالارعا بالالاردىڭ قاۋىپسىزدىگىنە ۇلكەن كوڭىل ءبولۋ كەرەكتىگىن ەسكە سالادى»، – دەپ اتاپ ءوتتى ەلوردالىق تۇرعىن ءۇي كەشەنىنىڭ ميب ءتورايىمى جانار دۇيسەنوۆا.

سۋرەت: gov.kz سايتىنان الىندى.

وسىنداي رەيدتىك ءىس-شارالار مەن ارالاۋلار ەلوردانىڭ بارلىق اۋدانىندا تۇراقتى تۇردە وتكىزىلەدى. ءار اي سايىن تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ قىزمەتكەرلەرى تۇرعىن ءۇي كەشەندەرىنىڭ ميب توراعالارىنىڭ وتىنىمدەرىن قاراستىرىپ، ولاردىڭ اياسىندا بالالاردىڭ قاۋىپسىزدىگىن قامتاماسىز ەتۋ ماسەلەسىندە تۇرعىندارعا قاجەتتى قولداۋ كورسەتەدى.

سۋرەت: gov.kz سايتىنان الىندى.

ارالاۋ بارىسىندا كوپبالالى وتباسىلارعا سونداي-اق «تازا قازاقستان» اكتسياسىنىڭ ەمبلەماسى بار مەكتەپ جيىنتىقتارى مەن جورگەكتەر سىيعا تارتىلدى.

Abai.kz