قارجى مينيسترلىگىنىڭ مەملەكەتتىك كىرىستەر كوميتەتى بلوگەرلەر مەن تاكسيستەردىڭ شوتتارى قالاي تەكسەرىلەتىنىن ءتۇسىندىردى، دەپ حابارلايدى BAQ.KZ ءتىلشىسى.

بلوگەرلەر مەن ينفليۋەنسەرلەردىڭ، تاكسيستەردىڭ شوتتارى قالاي تەكسەرىلەدى؟ – دەپ رەداكتسيامىز سالىق ورگاندارىنا رەسمي ساۋال جولداعان بولاتىن.

كوميتەتتىڭ تۇسىندىرۋىنشە، سالىق ورگاندارىنىڭ نەگىزگى مىندەتى – سالىق زاڭناماسىنىڭ ساقتالۋىن، سالىقتار مەن مىندەتتى تولەمدەردىڭ ۋاقىتىلى ءارى تولىق ءتۇسۋىن باقىلاۋ. سونىمەن قاتار الەۋمەتتىك تولەمدەردى ەسەپتەۋ مەن اۋدارۋدىڭ دا زاڭعا سايكەس جۇرگىزىلۋىن قامتاماسىز ەتۋ.

بۇل ماقساتتا سالىق ورگاندارى كامەرالدىق باقىلاۋ جۇرگىزەدى. ول سالىق تولەۋشىنىڭ ەسەپتىلىگىن، مەملەكەتتىك ورگانداردىڭ مالىمەتتەرىن جانە باسقا دا قۇجاتتاردى تالداۋ نەگىزىندە جۇزەگە اسىرىلادى. ەگەر بۇزۋشىلىقتار انىقتالسا، سالىق تولەۋشى ولاردى ءوز بەتىنشە تۇزەتۋگە مىندەتتەلەدى، - دەپ جاۋاپ بەردى كوميتەت.

مكك اتاپ وتكەندەي، باقىلاۋ شارالارى تەك بلوگەرلەرگە عانا ەمەس، كىرىس تاباتىن بارلىق جەكە تۇلعالارعا قولدانىلادى. ياعني، بلوگەرلەر، تاكسي جۇرگىزۋشىلەرى نەمەسە وزگە دە ازاماتتار تابىس السا، ولاردىڭ سالىقتىق مىندەتتەمەلەرى بىردەي تەكسەرىلەدى.

كوميتەتتىڭ ايتۋىنشا، باستى ماقسات – سالىق تولەمدەرىن تولىق جانە ۋاقتىلى ورىنداۋدى قامتاماسىز ەتۋ، ال بەلگىلى ءبىر كاسىپ وكىلدەرىن ارنايى باقىلاۋعا الۋ كوزدەلمەگەن.

Abai.kz