قازاقستان رەسپۋبليكاسىنىڭ مادەنيەت جانە اقپارات مينيسترلىگى ۇلتتىق «قازاقفيلم» كينوستۋدياسىنىڭ بارلىق نەگىزگى وندىرىستىك نىساندارى مەملەكەت مەنشىگىندە قالاتىنىن رەسمي تۇردە مالىمدەيدى.

Kazakhfilmstudios.kz

بۇل رىسقۇلوۆ داڭعىلىنداعى «پ» ءارپى تۇرىندە جوبالانعان عيماراتقا دا قاتىستى. عيمارات ءالى دە «قازاقفيلمنىڭ» مەنشىگىندە. ونى ساتۋ تۋرالى رەسمي دەرەك جوق.

ءار ازامات پىكىر بىلدىرۋگە قۇقىلى. بىراق جالعان اقپارات تاراتۋ قر زاڭناماسىنا قايشى كەلەدى جانە قىلمىستىق كودەكستىڭ 274-بابىنا سايكەس قاتاڭ جاۋاپكەرشىلىك قاراستىرىلعان.

سوڭعى ۋاقىتتا الەۋمەتتىك جەلىلەردە، ونىڭ ىشىندە ەرلان تولەۋتاي مىرزانىڭ جازبالارىندا دا راستالماعان جانە شىندىققا سايكەس كەلمەيتىن اقپارات تاراتىلۋدا. بۇل قوعامدا مەملەكەتتىك ورگاندارعا دەگەن سەنىمسىزدىككە اكەلۋى مۇمكىن.

ازاماتتاردى تەك رەسمي اقپارات كوزدەرىنە سۇيەنۋگە شاقىرامىز.

Abai.kz