باس پروكۋرور بەرىك اسىلوۆ بولات نازارباەۆتىڭ ۇلى، 41 جاستاعى نۇربول نازارباەۆتىڭ اكتيۆتەرىن مەملەكەتكە قايتارۋ پروتسەسىنە قاتىستى دەپۋتات رينات زايىتتىڭ ساۋالىنا جاۋاپ بەردى.

دەپۋتات بۇعان دەيىن ءماجىلىس وتىرىسىندا كىشى نازارباەۆقا قاتىستى سوت پروتسەسىنىڭ جابىق وتكەنىن ايتىپ، اكتيۆتەردى قايتارۋ ىسىندەگى اشىقتىقتىڭ بولماۋى قوعامدا سەنىمسىزدىك تۋدىراتىنىن مالىمدەگەن بولاتىن.

الايدا بەرىك اسىلوۆتىڭ جاۋابىندا بۇل پروتسەستەردىڭ جاريا تۇردە جۇرگىزىلۋىنە زاڭ جول بەرمەيتىنى ايتىلعان.

– زاڭ شەڭبەرىندەگى جۇمىسپەن ءسىزدىڭ ساۋالىڭىزدا كورسەتىلگەن تۇلعا دا قامتىلعان. دەگەنمەن، «زاڭسىز يەمدەنىلگەن اكتيۆتەردى قايتارۋ تۋرالى» زاڭنىڭ 8-بابىنىڭ 3-تارماعىنا سايكەس، اكتيۆتەردى قايتارۋ جونىندەگى ۋاكىلەتتى ورگان مەن كوميسسيا الىنعان مالىمەتتەردىڭ ساقتالۋى مەن قۇپيالىلىعىن قامتاماسىز ەتۋگە مىندەتتى. ءسىز كورسەتكەن اقپارات اكتيۆتەردى زاڭسىز يەمدەنۋگە قارسى ءىس-قيمىل بارىسىندا ەسكەرىلەتىن بولادى، – دەلىنگەن باس پروكۋروردىڭ رەسمي جاۋابىندا.

Abai.kz