دجيۋ-دجيتسۋدان الەم چەمپيوناتى: قازاقستان 1-ورىن
تايلاند استاناسى بانگكوكتا ءوتىپ جاتقان دجيۋ-دجيتسۋدان الەم چەمپيوناتىندا ەرەسەكتەر اراسىنداعى جۇلدەگەرلەر بەلگىلى بولدى.
بايراقتى باسەكەدە قازاقستان ەرلەر جانە ايەلدەر قۇراماسىنىڭ سپورتشىلارى 11 التىن، 16 كۇمىس جانە 13 قولا جۇلدەگە يە بولىپ، جالپىكوماندالىق ەسەپتە توپ جاردى.
ءبىزدىڭ چەمپيوندار: تالانت توقتىباەۆ (كونتاكت 85 كگ), اكبار ەلۋبايۇلى (كونتاكت +94 كگ), اقجۇنىس وتەباەۆا (كونتاكت 57 كگ), ماقسات تولەندى (نوۋ ني 85 كگ), ماقسات مۇراتۇلى (نوۋ گي 56 كگ) اتاكەلدى ەسەتوۆ (نوۋ گي 62 كگ), اسلان قاناتبەك (حيف كونتاكت 62 كگ), ءابۋ-باكىر جانىبەك (حيف كونتاكت 69 كگ), جىبەك قۇلىمبەتوۆا (نەۆازا 48 كگ), شەرحان جاقسىلىق (كونتاكت حيف 85 كگ), بەكزات بايمۇراتوۆ (كونتاكت حيف 77 كگ);
ەرەسەكتەردىڭ جالپى ەسەبى:
- قازاقستان (11 التىن، 16 كۇمىس، 13 قولا)
- بەيتاراپ اتلەتتەر كومانداسى (10 التىن، 7 كۇمىس، 17 قولا)
- ۆەتنام (8 التىن، 7 كۇمىس، 10 قولا)
- گەرمانيا (7 التىن، 3 كۇمىس، 4 قولا)
- برازيليا (6 التىن، 7 كۇمىس، 4 قولا)
ايتا كەتەيىك، بيىلعى چەمپيونات 14 قاراشاعا دەيىن جالعاسادى. الداعى كۇندەرى U16-18-21 جاس ساناتىنداعى جەكپە-جەكتەر وتەدى. ەرەسەكتەر اراسىندا 59 مەملەكەتتەن 1100-گە جۋىق سپورتشى قاتىستى. وسى تۇستا دجيۋ-دجيتسۋ ەلىمىزدە مەملەكەت تاراپىنان باسىمدىق بەرىلەتىن سپورت تۇرلەرىنىڭ قاتارىنا جاتاتىنىن ايتا كەتۋ كەرەك. جان-جاقتى جاعداي جاسالىپ جاتقاننىڭ ارقاسىندا دجيۋ-دجيتسۋ بۇقارالىق سيپات الىپ، تانىمال سپورتقا اينالدى. سپورتشىلارىمىز جازعى ازيا ويىندارى، دۇنيەجۇزىلىك ويىندار جانە تاعى باسقا كەشەندى جارىستار مەن الەم، ازيا چەمپيوناتتارىندا جوعارى جەتىستىككە جەتىپ كەلەدى.
Abai.kz
