مەملەكەت باسشىسىنىڭ تاپسىرماسىنا سايكەس پروكۋراتۋرا ورگاندارىمەن زاڭسىز يەمدەلگەن اكتيۆتەردى قايتارۋ ەسەبىنەن ەلىمىزدە كوپتەگەن الەۋمەتتىك نىساندار سالىنىپ، پايدالانۋعا بەرىلۋدە.

وسىنىڭ شەڭبەرىندە اقتوبە وبلىسى قوبدا اۋدانى بەگالى اۋىلىندا جاڭا دارىگەرلىك امبۋلاتوريانىڭ اشىلۋ سالتاناتى ءوتتى.

ءىس-شاراعا قوبدا اۋدانىنىڭ اكىمى، اۋدان پروكۋرورى، مەملەكەتتىك ورگانداردىڭ، قوعام وكىلدەرى جانە جەرگىلىكتى تۇرعىندار قاتىستى.

جاڭا مەديتسينالىق نىسان 25 كەلۋشىنى قابىلداۋعا ارنالعان، ول اۋىل تۇرعىندارىنا وبلىس ورتالىعىنا بارماي-اق، جەرگىلىكتى جەردە العاشقى مەديتسينالىق-سانيتارلىق كومەك الۋعا مۇمكىندىك بەرەدى.

دارىگەرلىك امبۋلاتوريادا تۇرعىندارعا كورسەتىلەتىن قىزمەتتەر، دياگنوستيكالىق قۇرال-جابدىقتار، بىلىكتى مامانداردىڭ جۇمىسى – بارلىعى دا تۇرعىنداردىڭ  دەنساۋلىعىن جاقسارتۋعا باعىتتالعان.

بۇل جوبانى ىسكە اسىرۋ – اۋىل حالقىنىڭ ءال-اۋقاتىنا، دەنساۋلىعىنا دەگەن مەملەكەت قامقورلىعىنىڭ ايعاعى.

Abai.kz