بەيسەنبى كۇنى، ناقتى ايتقاندا 2025 جىلدىڭ 18 جەلتوقسانىندا رەسەي ارمياسىنا قوسىلعان جيىرماعا جۋىق كەنيالىق ۋكرايناداعى مايدان شەبىنەن شاقىرىلىپ، ەلگە قايتارىلعان. بۇل تۋرالى RFI Aفريكاداعى ءتىلشىسى گاەلدىڭ نايروبيدەن جازدى.

اپتا باسىندا كەنيا ءباسپاسوزى جالعان جۇمىس بەرۋشىلەرگە الدانىپ ۋكرايناداعى سوعىستان ءبىر-اق شىققان جەرلەستەرى تۋرالى ماسەلە كوتەرگەن. ناقتى ايعاق رەتىندە كەنيانىڭ ماسكۋەدەگى ەلشىلىگىنەن كومەك سۇراعان جەرلەستەرىنىڭ ەلەكتروندى حاتتارىن جاريالاعان. بۇل كەنيا قوعامىندا ۇلكەن داۋ تۋدىرىپ، كەنيا بيلىگى شارا قولدانۋعا ءماجبۇر بولعان.

كەنيانىڭ سىرتقى ىستەر ءمينيسترى (پرەمەر-مينيسترگە بالامالى) مۋساليا مۋداۆادي ءالى دە بەلسەندى جۇمىس ىستەپ جاتقان جەلىلەر ارقىلى 200-دەن استام كەنيالىقتىڭ جۇمىس بەرۋشى كومپانيالارعا الدانعانىن مالىمدەگەن. «قيىن جاعدايداعى» بىرنەشە كەنيالىق ازامات ماسكەۋدەگى كەنيا ەلشىلىگىنە اسكەري لاگەرلەردەن حابارلاسقان. كەيبىرەۋلەرى جەڭىل، كەيبىرەۋلەرى اۋىر جاراقات العان، سونىمەن بىرگە امپۋتاتسيا جاعدايلارى تىركەلگەن.

ول سونداي-اق كەنيانىڭ ەڭبەكپەن قامتۋ دەپارتامەنتىنە تىركەلگەن 600 دەن استام دەلدال كومپانيالاردىڭ ليتسەنزياسىنىڭ كۇشىن جويعانىن حابارلاعان.

الايدا ادام ساۋداسىنا قارسى Trace Kenya ۇكىمەتتىك ەمەس ۇيىمىنىڭ جاۋاپتىسى RFI تىلشىسىنە بۇل شارالاردىڭ الىدە جەتكىلىكسىز ەكەنىن، كەنيالىق ايەلدەردىڭ دە الدانىپ، رەسەيدىڭ اسكەري زاۋىتتارىندا اۋىر ەڭبەككە جەگىلگەنىن العا تارتقان.

اقش مەملەكەتتىك دەپارتامەنتىنىڭ 2025 جىلعى ادام ساۋداسى تۋرالى ەسەبىندە 18 جاستان 22 جاسقا دەيىنگى كەيبىر كەنيالىق ايەلدەردىڭ كاسىپتىك ءبىلىم الامىز دەپ الدانىپ، رەسەيدىڭ درون زاۋىتتارىندا جۇمىس ىستەپ جاتقانى ايتىلعان.

Abai.kz