بۇگىن استانادا كونستيتۋتسيالىق رەفورما جونىندەگى كوميسسيانىڭ العاشقى وتىرىسى باستالدى. ءتۇرلى سالا ماماندارىنان قۇرالعان 120-عا جۋىق مۇشەسى بار كوميسسياعا كونستيتۋتسيالىق سوتتىڭ توراعاسى ەلۆيرا ازيموۆا جەتەكشىلىك ەتەدى. كوميسسيا قۇرامىنا پارلامەنت دەپۋتاتتارى، ءماسليحاتتار توراعالارى، باق وكىلدەرى، قوعام قايراتكەرلەرى، مەملەكەتتىك ورگانداردىڭ، وڭىرلەردەگى قوعامدىق كەڭەستەر مەن عىلىمي قوعامداستىق وكىلدەرى، ساراپشىلار كىردى.

كوممەنتاري: مۇنداي رەپرەزەنتاتيۆتىلىك باستاپقىدا كوميسسيا جۇمىسىنىڭ قوعام ءۇشىن تولىق اشىقتىعىن كوزدەيدى. اشىقتىقتى ارتتىرۋ ءۇشىن بىرقاتار قوسىمشا شارالار قاراستىرىلعان.

بىرىنشىدەن، وتىرىستاردى كونستيتۋتسيالىق سوتتىڭ رەسمي سايتى مەن اككاۋنتتارىندا تىكەلەي ترانسلياتسيالاۋ قامتاماسىز ەتىلدى.

ەكىنشىدەن، كوميسسيا قىزمەتىن جەدەل جاريالاۋ، ونىڭ قىزمەتى تۋرالى اقپاراتتى جيناقتاۋ ءۇشىن «كونستيتۋتسيالىق رەفورما 2026» ارنايى تەلەگرام-ارناسى قۇرىلدى.

وسىلايشا، كوميسسيانىڭ جۇمىسى اشىق جانە اشىق رەجيمدە وتۋدە، ونىڭ قىزمەتى تۋرالى اقپارات بارشاعا قولجەتىمدى بولا ءتۇستى. كونستيتۋتسيالىق كوميسسيانىڭ اشىقتىعى - وپتسيا ەمەس، قازىرگى قازاق قوعامى اۋاداي قاجەت ەتىپ، كەرەك قىلپ وتىرعان سۇرانىمى.

كونستيتۋتسيالىق كوميسسيا وتىرىستارىنىڭ جوسپارلاناتىن تىكەلەي ترانسلياتسيالارى تۋرالى اقپارات ەل-جۇرت ءۇشىن اسا ماڭىزدى. ونىڭ ۇستىنە ونىڭ جۇمىسىنا دەگەن حالىق سەنىمىن بەرىك قالىپتاستىراتىن باستى فاكتور ەكەنىن وسى ءىستىڭ باسى-قاسىندا جۇرگەندەر وسى باستان جەتە ەسكەرۋگە ءتيىس.

شىندىعىن ايتقاندا مەملەكەت باسشىسى تاراپىنان قولداۋ تاۋىپ، قولعا الىنعالى وتىرعان كونستيتۋتسيالىق وزگەرىستەردىڭ سيپاتى  مەملەكەت پەن قوعام اراسىندا التىن كوپىردى بەرىك ءارى تۇبەگەيلى قالىپتاستىرۋ بولىپ تا تابىلادى.

بۇعان دەيىن ءتۇرلى دەڭگەيدەگى تالاي كومميسيالار قۇرىلىپ ولاردىڭ نە ىستەپ، نە قويىپ جاتقانىن بىلايعى جۇرت بىلە دە بەرمەيتىن ەدى. قازاق مەملەكەتتى بالاڭدىق ءداۋىرىن ارتقا تاستاپ، ناعىز ساقا جىگىتكە اينالىپ، مىنە، ەندى ەل-جۇرتقا تىكەلەي قاتىسى بار قوعامدىق-ساياسي ماسەلەلەردى بۇدان بىلاي ەسىكتى تارس جاۋىپ الىپ، جابىق رەجيمدە نەمەسە «تار شەڭبەر ءۇشىن» تالقىلاۋعا بولمايدى دەپ اشىق ايتىپ وتىر. سوندىقتان قازاق بيلىگى ەل الدىنا ەسەپ بەرىپ، بۇرىنعى جابىقتىقتان بۇقاراعا شىنايى بەت بۇرعان اشىق قاباق تانىتۋداعى العاشقى قادام بولىپ سانالاتىن تىكەلەي ەفيرلەر - بۇل جاي عانا تەحنيكالىق فورمات ەمەس. بۇل مەملەكەتىمىزدىڭ قوعامعا دەگەن سەنىمنىڭ جانە بيلىكتىڭ ەشبىر قالتىقسىز، سىرىن ىشكە بۇگىپ جاسىرماي، ءوز قاراۋىنداعى حالىقپەن شىنايى اشىق ديالوگ جۇرگىزۋگە دايىندىعىنىڭ تۇڭىلىك ءتۇرۋى بولىپ سانالادى.

بۇل ورايدا باسا جانە قاداپ تۇرىپ ايتاتىن ءبىر دۇنيە: مەملەكەت «ەستيتىن مەملەكەت» جانە ينستيتۋتسيونالدىق جاۋاپكەرشىلىك قاعيداتتارىن دەكلاراتسيالاعان جاعدايدا، كونستيتۋتسيالىق كوميسسيانىڭ اشىق جۇمىسى مالىمدەلگەن باعىتتىڭ قيسىندى جالعاسىنا اينالادى.

حالىقتىڭ ەرىك-جىگىەرى مەن تالاپ-تىلەگىن ەسكەرىپ جاسالعان قادام قازاق قوعامىنا نە بەرەدى دەگەن زاڭدى ساۋالدىڭ ناعىز ساۋالىن مىنادان تابامىز:

وتىرىستاردىڭ جاريالىلىعى:

* الىپساتارلىق پەن سىبىس دەڭگەيىن تومەندەتەدى;

* ازاماتتارعا ۇسىنىلاتىن نورمالاردىڭ قيسىنىن تۇسىنۋگە مۇمكىندىك بەرەدى;

* بولاشاق وزگەرىستەرمەن تاڭىلعان ەمەس، سانالى كەلىسىمدى قالىپتاستىرادى;

* قورىتىندى شەشىمدەردىڭ زاڭدىلىعىن ارتتىرادى.

جۇرتتىڭ ءبارى جۇرەگىمەن سەنىپى، ساناسىنىڭ تۇپكىرىنە بەرىك قالىپتاستىرعان تۇسىنىك: ول: كونستيتۋتسيا - بۇل ىشكى رەگلامەنت نەمەسە ۆەدومستۆولىق ەمەس قۇجات. بۇل مەملەكەت پەن قوعام اراسىنداعى بازالىق شارت. سوندىقتان ونى تالقىلاۋ پروتسەسى نەعۇرلىم اشىق بولسا، ناتيجە سوعۇرلىم قازاق قوعامىنا بەرەر جەمىسى دە كوپ بولادى.

Abai.kz