وقۋ-اعارتۋ ءمينيسترى جۇلدىز سۇلەيمەنوۆا الداعى شارالار جايىندا باياندادى. 

پرەمەر-مينيستر ولجاس بەكتەنوۆ جاڭا كونستيتۋتسيا اياسىندا مەكتەپ وقۋلىقتارىنا وزگەرىس ەنگىزۋدى تاپسىردى.

ۇكىمەتتىڭ وتىرىسىندا زاڭنامانى جاڭا كونستيتۋتسياعا ساي كەلتىرۋ ماسەلەسى قارالدى. وسى ورايدا وقۋ-اعارتۋ ءمينيسترى جۇلدىز سۇلەيمەنوۆا الداعى شارالار جايىندا باياندادى.

ءمينيستردىڭ ايتۋىنشا، قازىر مەكتەپتەردە قولدانىلىپ جۇرگەن وقۋلىقتار 2018-2019 جىلدارى باسىلعان جانە سودان بەرى مازمۇندىق تۇرعىدان جاڭارتىلماعان. وسىعان بايلانىستى ولار جاڭا كونستيتۋتسيالىق وزگەرىستەر مەن زاماناۋي تالاپتارعا ساي قايتا قارالادى.

– 2026 جىلى 3, 4, 7, 8, 9 سىنىپتارعا ارنالعان وقۋلىقتار جاڭارتىلادى. 2027 جىلى 1 جانە 5 سىنىپتار وقۋلىقتارى جاڭادان باسىلادى. 10-11 سىنىپ وقۋلىقتارىنىڭ مازمۇنى قايتا قارالادى. 2028 جىلى 2 جانە 6 سىنىپتارعا ارنالعان جاڭا وقۋلىقتار جارىق كورەدى، – دەدى وقۋ-اعارتۋ ءمينيسترى.

ال پرەمەر-مينيستر وقۋلىقتاردى جاڭارتۋ – وتە ماڭىزدى ەكەنىن ەسكە سالدى.

– ءبىز مۇلدەم جاڭا كەزەڭگە اياق باستىق. سوندىقتان ادىلەتتى قازاقستان، زاڭ مەن ءتارتىپ، تازا قازاقستان جانە باسقا دا قاعيداتتار وقۋلىقتارعا مىندەتتى تۇردە ەنگىزىلۋگە ءتيىس. بۇنى باقىلاۋعا الىڭىز، - دەيدى بەكتەنوۆ.

Abai.kz