استانادا «CYCLELAB: بولاشاق ەكولوگياسى» ستۋدەنتتىك جوبالار بايقاۋىنىڭ جەڭىمپازدارىن ماراپاتتاۋ ءراسىمى ءوتتى. بايقاۋدى قازاقستاننىڭ قايتا وڭدەۋشىلەر قاۋىمداستىعى مەن «جاسىل دامۋ» اق ۇيىمداستىرىپ، ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇراقتى دامۋ ورتالىعىمەن بىرلەسىپ وتكىزدى. ءىس-شارا «تازا قازاقستان» ەكولوگيالىق اكتسياسى اياسىندا جۇزەگە اسىرىلدى. باس دەمەۋشى - بانك تسەنتركرەديت. سالتاناتتى جيىننىڭ قۇرمەتتى قوناعى قازاقستان رەسپۋبليكاسى ەكولوگيا جانە تابيعي رەسۋرستار ۆيتسە-ءمينيسترى جومارت شياپوۆيچ اليەۆ بولدى.

بايقاۋعا استانا قالاسى، اقمولا جانە قاراعاندى وبلىستارىنان 16-30 جاس ارالىعىنداعى كوللەدج جانە جوعارى وقۋ ورىندارىنىڭ ستۋدەنتتەرى قاتىستى. قاتىسۋشىلار التى نەگىزگى باعىت بويىنشا جوبالارىن ۇسىندى:

ىرىكتەۋ قورىتىندىسى بويىنشا فينالعا ۇزدىك كوماندالار ءوتىپ، قالدىقتاردى باسقارۋ سالاسىنداعى يننوۆاتسيالىق ءارى تاجىريبەگە باعىتتالعان شەشىمدەرىن تانىستىردى. بايقاۋدىڭ جالپى جۇلدە قورى 3 700 000 تەڭگەنى قۇرادى.

سۋرەت: شارا ۇيىمداستىرۋشىلاردان الىندى

جەڭىمپازدار:

1 ورىن (1 500 000 تەڭگە) «ReLife» جوباسى - استانا مەديتسينا ۋنيۆەرسيتەتىنىڭ كومانداسى: دياس ەگيمباەۆ جانە ابىلاي كۇمىسبەك. بۇل جوبا مەديتسينالىق پلاستيك قالدىقتاردى قۇرىلىس ماتەريالدارىنا اينالدىرۋعا باعىتتالعان ESG-ينيتسياتيۆا. ول مەديتسينالىق قالدىقتاردىڭ كوبەيۋى مەن ولاردى قىمبات ءارى ەكولوگياعا زياندى جويۋ ماسەلەسىن شەشەدى. جوبا جابىق تسيكلدى جۇيە ۇسىنادى: اۋرۋحانا → قايتا وڭدەۋ → قۇرىلىس ماتەريالدارى → اۋرۋحانالاردى اباتتاندىرۋ.

2 ورىن (600 000 تەڭگە) «DualValue Carbon» جوباسى - ل.ن. گۋميلەۆ اتىنداعى ەۇۋ ستۋدەنتى سۇلەيمەن باقىتوۆ. پەت-پلاستيكتى ناتري-سەلەن اككۋمۋلياتورلارىنا ارنالعان كومىرتەكتى ماتەريالعا اينالدىرۋ تەحنولوگياسى. بۇل جوبا پلاستيك قالدىقتاردى ەنەرگيا ساقتاۋ سالاسىندا ءتيىمدى پايدالانۋعا مۇمكىندىك بەرەدى.

2 ورىن (600 000 تەڭگە) «EcoKids» جوباسى - نازارباەۆ ۋنيۆەرسيتەتىنىڭ ستۋدەنتى جاسۇلان تولەۋبەكوۆ. بالالارعا ارنالعان ەكولوگيالىق ءبىلىم بەرۋ پلاتفورماسى. ول مۋلتفيلمدەر، بەينە جانە پودكاستتار ارقىلى ەكولوگيالىق مادەنيەتتى قالىپتاستىرۋعا باعىتتالعان.

3 ورىن (500 000 تەڭگە) «Coil Soil» جوباسى - قاراعاندى ۇلتتىق زەرتتەۋ ۋنيۆەرسيتەتىنىڭ كومانداسى: يۋليا كۋليكوۆا جانە ۆيولەتتا گاپيچ.
جوبا كۇل مەن وسىمدىك قالدىقتارىن ورگانومينەرالدى كومپوستقا اينالدىرىپ، توپىراقتى جاقسارتۋعا مۇمكىندىك بەرەدى.

3 ورىن (500 000 تەڭگە) «QarEnergy» جوباسى - ەۇۋ كومانداسى: ساميرا احمەتوۆا، ايدانا اقپاروۆا، گۇلناز ىدىرىس. قار مەن قورشاعان ورتا اراسىنداعى تەمپەراتۋرا ايىرماشىلىعىن پايدالانىپ ەلەكتر ەنەرگياسىن ءوندىرۋ جۇيەسى.

«بۇگىن ءبىز قازاقستان جاستارىنىڭ ەكولوگيالىق ماسەلەلەردى شەشۋگە بەلسەندى قاتىسىپ، ناقتى ءارى تەحنولوگيالىق شەشىمدەر ۇسىنىپ جاتقانىن كورىپ وتىرمىز. مۇنداي باستامالار ەكولوگيالىق ويلاۋدى قالىپتاستىرىپ، ەلىمىزدىڭ جاسىل ەكونوميكاسىنىڭ نەگىزىن قالايدى»، - دەدى «جاسىل دامۋ» اق باسقارما توراعاسىنىڭ ورىنباسارى نۇرجان قابدولدانوۆ.

«CYCLELAB: بولاشاق ەكولوگياسى» بايقاۋى جاس تالانتتاردى انىقتاپ، قولداۋعا ارنالعان ماڭىزدى الاڭعا اينالدى. ۇسىنىلعان جوبالار بولاشاقتا ناقتى ىسكە اسىرىلاتىن شەشىمدەرگە اينالۋ الەۋەتىنە يە.

«جاسىل دامۋ» اق سەرىكتەستەرىمەن بىرگە وسىنداي باستامالاردى جالعاستىرىپ، قاتىسۋشىلار گەوگرافياسىن كەڭەيتۋدى، سونداي-اق ءبىلىم بەرۋ ۇيىمدارى مەن بيزنەس اراسىنداعى بايلانىستى نىعايتۋدى جوسپارلاپ وتىر.

نەگىزگى ماقسات - ەكولوگيالىق جاۋاپتى قوعام قالىپتاستىرۋ جانە قازاقستاننىڭ تۇراقتى بولاشاعىنا باعىتتالعان يننوۆاتسيالاردى قولداۋ.

Abai.kz