الماتىدا مەملەكەت باسشىسى قاسىم-جومارت توقاەۆتىڭ باستاماسىمەن باسپاناعا يە بولعان جاس عالىمدار جاڭا پاتەرلەرىنە قونىستاندى. پاتەرلەر عىلىم قىزمەتكەرلەرى كۇنىنە وراي وتەۋسىز نەگىزدە بەرىلدى.

قونىس يەلەرى تولىق جيھازدالعان پاتەرلەردىڭ جايلى ءومىر سۇرۋگە مۇمكىندىك بەرىپ، عىلىمي جانە كاسىبي قىزمەتكە شوعىرلانۋعا جاعداي جاسايتىنىن اتاپ ءوتتى. قونىستانۋ بارىسىندا ولار كورسەتىلگەن قولداۋ ءۇشىن شىنايى العىستارىن ءبىلدىردى.

باسپانا العانداردىڭ قاتارىندا ەلىمىزدىڭ جەتەكشى عىلىمي ۇيىمدارىنىڭ وكىلدەرى بار. سولاردىڭ ءبىرى – 13 جىلدىق عىلىمي تاجىريبەسى بار شىرىن مۇراتقىزى. ول Scopus جانە Web of Science بازالارىندا يندەكستەلەتىن باسىلىمداردى قوسا العاندا 9 عىلىمي ماقالانىڭ اۆتورى، وقۋ قۇرالىنىڭ تەڭ اۆتورى جانە اۆتورلىق قۇقىق يەسى.

سونداي-اق قونىس يەلەرىنىڭ قاتارىندا 15 جىلدىق عىلىمي تاجىريبەسى بار ارمان ومىرزاقوۆ بار. ول حالىقارالىق رەتسەنزيالاناتىن جۋرنالداردا جاريالانعان 20-دان استام عىلىمي ەڭبەكتىڭ اۆتورى، سونداي-اق قازاقستان رەسپۋبليكاسىنىڭ 8 پاتەنتىنىڭ تەڭ اۆتورى. ونىڭ زەرتتەۋلەرى ەنەرگەتيكا سالاسىنداعى بولاشاعى زور باعىتتاردى، سونىڭ ىشىندە وتىن ەلەمەنتتەرى، ميكروباتارەيالار جانە فوتوكاتاليتيكالىق ماتەريالداردى قامتيدى.

ءمادينا قۇمارعازينا Scopus حالىقارالىق بازاسىندا جاريالانعان عىلىمي ەڭبەكتەردىڭ اۆتورى، سونداي-اق قازاقستان رەسپۋبليكاسىنىڭ 10-نان استام پاتەنتىنىڭ جانە ءبىر ەۋرازيالىق پاتەنتتىڭ تەڭ اۆتورى. ونىڭ زەرتتەۋلەرى ەنەرگيا ءتيىمدى تەحنولوگيالاردى دامىتۋعا جانە جاڭارتىلاتىن ەنەرگيا كوزدەرىن پايدالانۋعا باعىتتالعان.

جاس عالىمداردى قولداۋ – ەلىمىزدىڭ عىلىمي الەۋەتىن دامىتۋعا باعىتتالعان مەملەكەتتىك ساياساتتىڭ ماڭىزدى باعىتى بولىپ قالا بەرەدى.

Abai.kz