قايعىلى وقيعا پاۆلودار قالاسىنداعى 6679 اسكەري بولىمىندە تىركەلدى. بولجامدى مالىمەتتەرگە ساي، كەلىسىمشارتپەن قىزمەت ەتەتىن اسكەري قىزمەتشى وزىنە بەكىتىلگەن قارۋدان وق اتقان. سالدارىنان ءوزى وقيعا ورنىندا جان تاپسىردى.

– وقيعا كەزىندە تاعى ءبىر كەلىسىمشارتتاعى اسكەري قىزمەتشى جاراقات الدى. قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر، وقيعانىڭ بارلىق ءمان-جايى انىقتالىپ جاتىر. زارداپ شەككەن ازاماتقا قاجەتتى مەديتسينالىق كومەك كورسەتىلىپ كەلەدى. تەرگەۋ بارىسى ىشكى ىستەر مينيسترلىگى اسكەري تەرگەۋ دەپارتامەنتىنىڭ باقىلاۋىندا، – دەپ حابارلادى قر ىشكى ىستەر مينيسترلىگىنىڭ ءباسپاسوز قىزمەتى. 

وسى ۋاقىتتا جاراقات العان اسكەري قىزمەتشى مەديتسينالىق كومەككە جۇگىنگەن. جاعدايى ءماز ەمەس.

– 2001 جىلى تۋعان ناۋقاس پاۆلودار قالالىق №1 اۋرۋحاناسىنىڭ جانساقتاۋ بولىمىندە جاتىر. جاعدايى اۋىر، تۇراقتى. بارلىق قاجەتتى ەمدىك شارالار جۇرگىزىلۋدە، – دەپ حابارلادى دەنساۋلىق ساقتاۋ باسقارماسى.

Abai.kz