قازاقستان يرانمەن بىرلەسكەن جوبالاردى ىسكە اسىرۋدى توقتاتتى. بۇل تۋرالى سەناتتا وتكەن بريفينگ بارىسىندا سىرتقى ىستەر ءمينيسترىنىڭ ورىنباسارى ارمان يسەتوۆ مالىمدەدى.

ونىڭ ايتۋىنشا، بىرقاتار باستامالاردىڭ توقتاتىلۋى يراندا اسكەري جاعدايدىڭ ەنگىزىلۋىنە بايلانىستى بولىپ وتىر.

توقتاتىلعان جوبالاردىڭ قاتارىندا استىق ونىمدەرىن جەتكىزۋ جانە ازىق-تۇلىك ونىمدەرىنىڭ ءوزارا ساۋداسىنا قاتىستى ءىس-شارالار بار.

«وسىعان بايلانىستى قازاقستاندىق بيزنەس پەن كاسىپكەرلەر قازىرگى ۋاقىتتا كۇتۋ رەجيمىندە. قازاقستان ايتارلىقتاي شىعىنعا ۇشىراپ وتىرعان جوق، ويتكەنى بۇل جوبالاردىڭ كولەمى ەلدەگى ەكونوميكالىق جاعدايعا ايتارلىقتاي اسەر ەتپەگەن بولاتىن. دەگەنمەن، يرانمەن تىعىز سەرىكتەستىك قارىم-قاتىناسىمىز بار ەكەنىن ەسكەرسەك، بۇل جاعدايدىڭ بەلگىلى ءبىر دەڭگەيدە اسەرى بار»، — دەدى ارمان يسەتوۆ.

Abai.kz