الكوگول ءونىمىن ساقتاۋ جانە وتكىزۋ ليتسەنزيالاناتىن قىزمەت تۇرلەرىنە جاتادى. الكوگول ءونىمىن ساتۋدى زاڭدى تۇردە جۇزەگە اسىرۋ ءۇشىن كاسىپكەر الكوگول ءونىمىن ساقتاۋعا جانە بولشەك نەمەسە كوتەرمە ساۋدادا وتكىزۋگە مەملەكەتتىك ليتسەنزيا الۋى قاجەت.

الكوگول ءونىمىن ساقتاۋعا جانە بولشەك (كوتەرمە) وتكىزۋگە ارنالعان ليتسەنزيا الكوگول ءونىمىنىڭ بارلىق تۇرلەرىن (اراق، شاراپ، كونياك، برەندي، سىرا، ليكەر-اراق بۇيىمدارى) وتكىزۋگە قۇقىق بەرەدى.

ءوتىنىشتى قابىلداۋ جانە مەملەكەتتىك قىزمەتتى كورسەتۋ ناتيجەسىن بەرۋ: "ازاماتتارعا ارنالعان ۇكىمەت" مەملەكەتتىك كورپوراتسياسى ارقىلى الماتى قالاسى بويىنشا مكد; ەلەكتروندىق ۇكىمەت پورتالى ارقىلى:

www.egov.kz ، www.elicense.kz .

الكوگول ءونىمىن ساقتاۋعا جانە بولشەك ساۋدادا وتكىزۋگە ليتسەنزيا قىزمەتتى جۇزەگە اسىرۋ ورنى بويىنشا بەرىلەدى.

الكوگول ءونىمىن ساقتاۋعا جانە كوتەرمە ساۋدادا وتكىزۋگە ليتسەنزيا ادامنىڭ ورنالاسقان نەمەسە تىركەلگەن جەرى بويىنشا بەرىلەدى.

قازاقستان رەسپۋبليكاسى "رۇقساتتار جانە حابارلامالار تۋرالى" زاڭىنىڭ 29-بابىنىڭ 3-تارماعىنا سايكەس ليتسەنزيا الۋ ءۇشىن ءوتىنىش بەرۋشى مىناداي قۇجاتتاردى ۇسىنادى:

• ءوتىنىش;
• "ەلەكتروندىق ۇكىمەتتىڭ" تولەم ءشليۋزى ارقىلى تولەنگەن جاعدايلاردى قوسپاعاندا، جەكەلەگەن قىزمەت تۇرلەرىمەن اينالىسۋ قۇقىعى ءۇشىن ليتسەنزيالىق الىمنىڭ تولەنگەنىن راستايتىن قۇجاتتىڭ كوشىرمەسى»;
• قازاقستان رەسپۋبليكاسىنىڭ زاڭناماسىندا بەلگىلەنگەن جاعدايلاردا جانە تارتىپپەن ءوتىنىش بەرۋشىنىڭ بىلىكتىلىك تالاپتارىنا سايكەستىگىن راستايتىن قۇجاتتار.

قازاقستان رەسپۋبليكاسى قارجى ءمينيسترىنىڭ 2015 جىلعى 30 قاڭتارداعى № 60 بۇيرىعىمەن بەكىتىلگەن «ەتيل ءسپيرتىن ءوندىرۋ، الكوگول ءونىمىن ءوندىرۋ، الكوگول ونىمدەرىن ءوندىرۋ اۋماعىندا ونى ساقتاۋ جانە كوتەرمە ساۋدادا ساتۋ جونىندەگى قىزمەتتى قوسپاعاندا، الكوگول ءونىمىن ساقتاۋ جانە كوتەرمە ساۋدادا ساتۋ، سونداي-اق الكوگول ونىمدەرىن ءوندىرۋ اۋماعىندا ونى ساقتاۋ جانە بولشەك ساۋدادا ساتۋ جونىندەگى قىزمەتتى قوسپاعاندا، الكوگول ءونىمىن ساقتاۋ جانە بولشەك ساۋدادا ساتۋ سالاسىنداعى قىزمەتتى جۇزەگە اسىرۋعا قويىلاتىن بىلىكتىلىك تالاپتارى جانە ولارعا سايكەستىگىن راستايتىن قۇجاتتار تىزبەسىن بەكىتۋ تۋرالى» تالاپتارىنا سايكەس بەرىلەدى.

الكوگول ءونىمىن ساقتاۋ جانە بولشەك ساۋدادا وتكىزۋ سالاسىنداعى قىزمەت تۇرىنە قويىلاتىن بىلىكتىلىك تالاپتارى مىنالاردى قامتيدى:

• دەنساۋلىق ساقتاۋ، ءبىلىم بەرۋ ۇيىمدارىنىڭ، دەنەشىنىقتىرۋ-ساۋىقتىرۋ، سپورتتىق جانە سپورتتىق-تەحنيكالىق قۇرىلىستاردىڭ، اۆتوجانارماي قۇيۋ ستانتسيالارىنىڭ، ساۋدا بازارلارىنىڭ، مادەني-دەمالىس ۇيىمدارىنىڭ عيماراتتارىنان تىسقارى جانە اۋماقتارىندا ورنالاسقان، مەنشىك قۇقىعىنداعى نەمەسە ۋاقىتشا يەلىك ەتۋ (پايدالانۋ), وتەۋسىز پايدالانۋ قۇقىعىنداعى، تۇراقتى تۇرۋعا قاراعاندا وزگە ماقساتقا پايدالانۋعا ارنالعان ستاتسيونارلىق ءۇي-جايلار;
• ستاتسيونارلىق ءۇي-جايلارىنداعى سۋمەن جابدىقتاۋ، ەلەكترو قۋاتىمەن جابدىقتاۋ جانە كارىز جۇيەسى;
• دەرەكتەردى تىركەۋ جانە (نەمەسە) بەرۋ فۋنكتسياسى بار باقىلاۋ-كاسسا ماشينالارى.

ليتسەنزيا الۋ ءۇشىن ليتسەنزيالىق الىم سوماسى:

• استانادا، رەسپۋبليكالىق جانە وبلىستىق ماڭىزى بار قالالاردا – 100 اەك (432 500), كوتەرمە ليتسەنزيا ءۇشىن – 200 اەك (865 000);
• ليتسەنزيانى قايتا رەسىمدەۋ كەزىندە-ليتسەنزيانى بەرۋ كەزىندەگى مولشەرلەمەنىڭ 10% - ىن قۇرايدى.

ليتسەنزيالىق الىمدى تولەۋ ەكىنشى دەڭگەيدەگى بانكتەر جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار ارقىلى جۇزەگە اسىرىلادى.

سۇراۋ سالۋدى پورتال ارقىلى بەرگەن جاعدايدا تولەم "ەلەكتروندىق ۇكىمەتتىڭ" تولەم ءشليۋزى (ەۇتش) ارقىلى جۇزەگە اسىرىلۋى مۇمكىن.

مەملەكەتتىك قىزمەتتى كورسەتۋ مەرزىمدەرى: مەملەكەتتىك كورپوراتسياعا قۇجاتتار توپتاماسىن تاپسىرعان ساتتەن باستاپ، سونداي-اق پورتالعا جۇگىنگەن كەزدە:

• ليتسەنزيانى نەمەسە ولاردى بەرۋدەن دالەلدى باس تارتۋدى ليتسەنزيار ءوتىنىش تىركەلگەن كۇننەن كەيىنگى 1 جۇمىس كۇنىنەن كەشىكتىرمەي بەرىلەدى;
• ليتسەنزيانى قايتا رەسىمدەۋ - 3 ء(ۇش) جۇمىس كۇنى ىشىندە.

الىمدى تولەگەن تۇلعالار ليتسەنزيارعا ءتيىستى قۇجاتتاردى بەرگەنگە دەيىن ليتسەنزيا الۋدان باس تارتقان جاعدايلاردى قوسپاعاندا، تولەنگەن الىم سومالارىن قايتارۋ جۇرگىزىلمەيدى.

جارىلقاسىنۇلى الي

الماتى قالاسى المالى اۋدانى بويىنشا مەملەكەتتىك كىرىستەر باسقارماسىنىڭ جاناما سالىقتاردى اكىمشىلەندىرۋ ءبولىمىنىڭ باس مامانى

Abai.kz