ءوڭىر باسشىسى ب.اتامقۇلوۆ وقو ءىىد جەرگىلىكتى پوليتسيا قىزمەتىنىڭ جەكە قۇرامىنا جاڭا قىزمەتتىك اۆتوكولىكتەردىڭ كىلتىن تابىستادى. اتالعان ءىس-شارا ەل تاۋەلسىزدىگىنىڭ 25 جىلدىعىنا ارنالدى. 
وبلىس اكىمى جول پاترۋلدىك پوليتسيا قىزمەتكەرلەرىنە «كيا-ريو» ماركالى 73 تەمىرتۇلپار مەن ۋچاسكەلىك پوليتسيا ينسپەكتورلارىنا «ۆاز-2121010» ماركالى 5 ارنايى اۆتوكولىگىن بەرىپ، قىزمەتتەرىنە تابىس تىلەدى. 
«قۇرىلعانىنا 1 جىلعا جۋىق ۋاقىتتا جەرگىلىكتى پوليتسيا قىزمەتىنە قوعامنىڭ كوزقاراسى وڭ بولىپ، سەنىمى ارتىپ وتىر. سىزدەر قيىن ساتتەردە قاراپايىم حالىقتىڭ ارقا سۇيەر سۇيەنىشى ءارى ادىلەتتىلىكتىڭ جارشىسى بولۋعا تيىسسىزدەر. الداعى ۋاقىتتا دا سىزدەر وبلىس تۇرعىندارىنىڭ قۇقىقتارىن قورعاپ، ەلىمىزدىڭ الەۋمەتتىك-ەكونوميكالىق جاعدايىن جاقسارتۋعا بارلىق كۇش-جiگەرىن جۇمسايدى دەگەن سەنiمدەمiن»، - دەدى ب.اتامقۇلوۆ.
شارا بارىسىندا وقو ءىىد جەرگىلىكتى پوليتسيا قىزمەتىنەن قۇرالعان قىزمەتكەرلەر 10 باعان تۇزەپ، سالتاناتتى شەرۋمەن ءجۇرىپ ءوتتى. كەزدەسۋ قوناقتارى مەن قاتىسۋشىلارىنا جاڭادان الىنعان قىزمەتتىك اۆتوكولىكتەر كورسەتىلدى. 

ايتا كەتەيىك، ايماق باسشىسى قىزمەت بابىندا ەرلىكپەن قازا تاپقان پوليتسيا قىزمەتكەرلەرى مەن وسى سالادا ەڭبەك ەتكەن ارداگەرلەرگە قۇرمەت كورسەتۋ ءۇشىن شىمكەنت قالاسىنان ارنايى ساياباق سالۋ مۇمكىندىگىن قاراستىرۋدى تاپسىرعان بولاتىن.

ساپارى بارىسىندا وبلىس اكىمى پوليتسيا بولىمشەلەرىنىڭ عيماراتتارىن ۋاقىت تالابىنا ساي رەتتەۋ ءۇشىن ۇسىنىس ەنگىزۋدى شىمكەنت قالاسىنىڭ اكىمى مەن ءتيىستى قۇرىلىمدىق بولىمدەردىڭ جەتەكشىلەرىنە جۇكتەدى.

سونداي-اق، قالا اكىمى قاراتاۋ اۋداندىق ىشكى ىستەر بولىمشەسىنىڭ عيماراتىن جاڭادان سالىنىپ جاتقان «شىمكەنت سيتي» اۋدانىندا سالۋدى ۇسىندى. بولىمشەنى جاڭا ينفراقۇرىلىممەن جابتىقتاۋ قاجەتتىگىن اتاپ وتكەن ءوڭىر باسشىسى جوبانى قولدادى.

Abai.kz