بۇل تۋرالى ايماقتىق كوممۋنيكاتسيالار قىزمەتىندە وتكەن بريفينگتە وبلىستىق تىلدەردى دامىتۋ، ارحيۆتەر مەن قۇجاتتاما باسقارماسىنىڭ باسشىسىنىڭ ورىنباسارى قاسىم اعابەكوۆ ء مالىم ەتتى.

وسى جىلدىڭ ءى جارتىجىلدىعىندا اتقارىلعان جۇمىستاردى بايانداعان ق.اعابەكوۆ وبلىستاعى 14 اۋدان، قالادا مەملەكەتتىكجانە ورىس، اعىلشىن ءتىلدەرىن وقىتاتىن ورتالىقتاردا 3839 ازامات ءتىلدى تەگىن وقىپ، ۇيرەنگەن. ولاردىڭ ىشىندە 1665-ءى مەملەكەتتىك ءتىلدى، ال 931-ءى ورىس ءتىلىن ۇيرەنسە، 1243-ءى  اعىلشىن ءتىلدى وقىپ مەڭگەرگەن.

جالپى وبلىستا مەملەكەتتىك ءتىلدى مەڭگەرگەن ەرەسەك تۇرعىنداردىڭ ۇلەسى 91%، ورىس ءتىلىن مەڭگەرگەندەر ۇلەسى 62,5%، اعىلشىن ءتىلىن مەڭگەرگەندەر ۇلەسى 8%-عا جەتتى. ال ءۇش ءتىلدى (قازاق، ورىس، اعىلشىن) مەڭگەرگەندەردىڭ ۇلەسى 10,2%-عا جەتىپ وتىر.

سونىمەن قاتار، بايانداماشى ەلباسى مىندەتتەگنە ۇشتىلدىلىك ماسەلەسى بويىنشا اتقارىلعان جۇمىستاردى بايانداپ ءوتتى.

«بۇل باعىتتا 45-تەن استام ءىس-شارا مەن دوڭگەلەك ۇستەلدەر، بايقاۋلار وتكىزىلدى. جەرگىلىكتى، اۋداندىق، قالالىق باق-تا ءۇش تىلدىلىكتى دامىتۋ جونىندە 60-تان استام ماقالالار جارىق كوردى. باسقارمانىڭ ۇيىمداستىرۋىمەن «وبلىستىق بىلىكتىلىكتى ارتتىرۋ» سەمينارى، ء«تىل شەبەرى» وبلىستىق بايقاۋى، وبلىستىق «اباي وقۋلارى» بايقاۋى،  «بالا شاقتان بولاشاققا – انا تىلىمەن»، كوركەمسوز وقۋ شەبەرلەرىنىڭ و.بوكەي اتىنداعى XVIII وبلىستىق بايقاۋلارى وتكىزىلدى»،-دەدى ق.اعابەكوۆ.  

Abai.kz