سەيسەنبى, 17 مامىر 2022
3166 0 پىكىر 10 شىلدە, 2017 ساعات 08:11

سيريادا اقش، رەسەي جانە يوردانيا كەلىسىمگە كەلگەن ءبىتىم شارتى ساقتالىپ تۇر

سيريادا وق اتۋدى توقتاتۋ جونىندەگى قۇراما شتاتتار، رەسەي جانە يوردانيانىڭ ارااعايىندىعىمەن جاسالعان كەلىسىم جەكسەنبىدە بۇزىلعان جوق. بۇل جونىندە باقىلاۋشىلاردىڭ سوزدەرىنە سىلتەمە جاساپ، فرانس پرەسس حابارلايدى.

كەلىسىم جونىندە وتكەن جۇما كۇنى رەسەيدىڭ سىرتقى ىستەر ءمينيسترى سەرگەي لاۆروۆ مالىمدەگەن. دۇيسەنبى كۇنى جەنەۆادا سيريا ۇكىمەتىنىڭ وكىلدەرى مەن وپپوزيتسيا دەلەگاتسياسى كەزدەسۋى كەرەك.

سوعىس ازىرگە وڭتۇستىكتىڭ ءۇش قالاسىندا - داراا، كۋنەيترا جانە سۆيدادا توقتاعان. سيرياداعى ادام قۇقىقتارىن باقىلايتىن بريتاندىق توپتىڭ باسشىسى جەكسەنبى كۇنى تاڭەرتەڭنەن بەرى اتالعان قالالاردا اتىس داۋىسى ەستىلمەدى دەيدى.

استانادا مامىر ايىندا وتكەن كەلىسسوزدەن كەيىن سيريا پرەزيدەنتى باشار اساد رەجيمىنىڭ جاقتاستارى رەسەي مەن يران جانە وپپوزيتسيانى قولدايتىن تۇركيا ءتورت قاۋىپسىز ايماعىن قۇرىپ، وندا وق اتۋدى دوعارۋ جونىندە كەلىسىمگە كەلگەن.

Abai.kz

0 پىكىر