نۇرسۇلتان نازارباەۆ رەسەي فەدەراتسياسى ۇكىمەتىنىڭ توراعاسى دميتري مەدۆەدەۆپەن كەزدەستى، دەپ حابارلايدى اقوردانىڭ ءباسپاسوز قىزمەتى. مەملەكەت باسشىسى رەسەي فەدەراتسياسى ۇكىمەتىنىڭ توراعاسىمەن كەزدەسۋدە ەكونوميكانىڭ قازىرگى جاعدايىندا مۇنداي باسقوسۋدىڭ ماڭىزدى ەكەنىن ايتتى. د.مەدۆەدەۆ قازاقستان پرەزيدەنتىنە ەۋرازيالىق ەكونوميكالىق وداق اياسىندا ىنتىماقتاسۋدىڭ وزەكتى ماسەلەلەرىن تالقىلاۋعا مۇمكىندىك بەرگەنى ءۇشىن العىس ايتىپ، قازاقستان مەن رەسەي اراسىنداعى ەكىجاقتى قارىم-قاتىناستىڭ ودان ءارى دامۋىنا سەنىم ءبىلدىردى. «ءبىز دوستاس قازاقستاننىڭ «ەكسپو-2017» كورمەسىن وتكىزۋ بارىسىندا جەتكەن جەتىستىكتەرىنە قۋانامىز. بۇل - شىن مانىندە، سىزدەر ءۇشىن دە، جالپى وداق ءۇشىن دە ماڭىزى زور وقيعا. بۇگىن ءبىز ەۋرازيالىق ۇكىمەتارالىق كەڭەس اياسىندا قازىرگى ەكونوميكالىق ماسەلەلەردى تالقىلايمىز. جۇمىسقا قولايلى جاعداي جاساعانىڭىز ءۇشىن سىزگە العىس ايتامىن. ەكىجاقتى قارىم-قاتىناسىمىز سوڭعى جىلدارداعىداي، قارقىندى تۇردە دامي تۇسەدى دەپ سەنەمىن»، - دەدى رەسەي فەدەراتسياسى ۇكىمەتىنىڭ توراعاسى.

اباي-اقپارات