دونالد ترامپ شارلوتسۆيلدەگى ناسىلشىلدىكتى ايىپتادى
اقش پرەزيدەنتى دونالد ترامپ شارلوتسۆيلدە ناسىلشىلدىكتىڭ پايدا بولۋىن ايىپتاپ، قاقتىعىسقا قاتىسقانداردىڭ ءبارى جاۋاپقا تارتىلادى دەپ مالىمدەدى. ول ناسىلشىلدىك – بۇل بارىپ تۇرعان جاۋىزدىق دەپ اتادى.
ترامپ تاعى دا وشپەندىلىكتى، فاناتيزم مەن زورلىق-زومبىلىقتى ايىپتادى.
"كىمدە-كىم اق ناسىلدىلەردى ارتىق ساناپ، كۋ-كلۋس-كلان، نەوناتسيستەر ارقىلى زورلىق-زومبىلىققا شاقىراتىن بولسا، ولار قىلمىسكەرلەر مەن باسكەسەرلەر بولىپ تابىلادى", - دەپ اتاپ ءوتتى اقش پرەزيدەنتى.
ترامپ اقش-تىڭ ادىلەت مينيسترلىگى كولىكپەن قالىڭ توپتى باسىپ وتكەن وقيعاعا قاتىستى تەرگەۋ جۇرگىزىپ جاتقانىن ايتتى. وقيعا سالدارىنان ءبىر ادام قازا تاۋىپ، 20 ادام جارالانعان بولاتىن. پرەزيدەنت ەلدە ءتارتىپتى قالپىنا كەلتىرەمىن دەگەن سايلاۋالدى ۋادەسىن ەسكە سالدى.
12 تامىزدا ۆيردجينيا شتاتىنىڭ شارلوتسۆيل قالاسىندا اسىرە وڭشىلدار مەن ولاردىڭ قارسىلاستارى اراسىندا قاقتىعىس ورىن العان.
Abai.kz
