بەيسەنبى, 28 ناۋرىز 2024
باسە... 5623 22 پىكىر 20 تامىز, 2018 ساعات 12:04

كەلمەسكە كەتكەن كەڭەس وكىمەتىنىڭ جوعىن جوقتاۋ جوسپارىمىزدا جوق

رەداكتسيادان: 18 تامىز 2018 جىل. «Abai.kz» اقپاراتتىق پورتالىندا «كومسومولدار ەربول مەن ءلاززاتتىڭ رۋحىن قورلاماق پا؟» اتتى ماقالا جاريا بولدى. وندا الماتى وبلىسى اكىمدىگى كوموسمولدىڭ 100 جىلدىعىن اتاپ وتۋگە وبلىس بيۋدجەتىنەن 13 ميلليون تەڭگە بولگەندىگى تۋرالى ايتىلدى. ول از دەگەندەي، ۇيىمداستىرۋشىلار اكىمدىكتەن تاعى 8 ميلليون تەڭگە سۇراعانىدا سول جەردە جازىلدى. جازىلىپ قانا قويمادى. قىزۋ تالقىلاندى. كومسومولدىڭ 100 جىلدىعىن اتاپ ءوتۋدى ارمانداپ جۇرگەندەردىڭ جوسپارى ءام ەسەپ-قيسابى دا جاريا بولدى. 

بۇگىن رەداكتسيامىزعا الماتى وبلىسى اكىمىنىڭ ءباسپاسوز قىزمەتى، اكىمنىڭ ءباسپاسوز حاتشىسى عالىمۇرات جۇكەل حابارلاسىپ، اتالعان اقپاراتتىڭ شىندىققا جاناسپايتىنىن ايتتى. 

«Abai.kz» اقپاراتتىق پورتالى ەركىن اقپارات الاڭى. مۇندا وي جارىستىرىپ، پىكىر تالاستىرۋعا اركىم قۇقىلى. ءبىز اكىمدىكتەن رەسمي تەرىستەمە سۇرادىق. اكىمدىك تە كوپكە سوزعان جوق. جوعارىداعى ماقالاعا قاتىستى تەرىستەمە جىبەردى. 


تەرىستەمە

«Abai.kz» سايتىندا 18 تامىزدا جارىق كورگەن «كومسومولدار ەربول مەن ءلاززاتتىڭ رۋحىن قورلاماق پا؟» اتتى ماقالاعا قاتىستى الماتى وبلىسىنىڭ ءباسپاسوز قىزمەتى رەسمي تەرىستەمە جاريالايدى.

ماقالادا كورسەتىلگەن دەرەكتەر شىندىققا جاناسپايدى. كومسومولدىڭ 100 جىلدىعىنا وراي وبلىس بيۋدجەتىنەن 13 ميلليون تەنگە ءبولىندى دەگەن ماعلۇماتتى تەرىسكە شىعارامىز.

وسى ماتەريالدىڭ جارىق كورۋىنە بايلانىستى ارنايى قىزمەتتىك تەكسپەرىس جۇرگىزىلدى. ناتيجەسىندە بۇل مالىمەتتىڭ جالعان ەكەندىگى انىقتالدى.

«ناۋرىز قىلىشباەۆتىڭ وبلىس اكىمى اماندىق باتالوۆتىڭ قابىلداۋىندا بولعانى راس. بۇل كەزدەسۋ بارىسىندا وبلىس اكىمى كومسمولدىڭ 100 جىلدىعىن اتاپ ءوتۋ - بۇگىنگى مەملەكەتتىك ساياساتپەن ۇندەسپەيتىندىگىن الدىعا تارتىپ، بيۋدجەتتەن ءبىر تيىن  قولداۋ بولمايتىندىعى ايتىلعان. وسى تۇستا ارىپتەستەرىمىز شىندىققا جاناسپايتىن حاباردى تاراتقانى وكىنىشتى»، - دەيدى وبلىس اكىمىنىڭ ءباسپاسوز حاتشىسى عالىمۇرات جۇكەل.

ءباسپسوز قىزمەتىنىڭ مالىمەتىنشە، الەۋمەتتىك جەلىلەردە تاراعان وسى شاراعا قاتىستى ەسەپ-قيساپتىڭ سۋرەتتەرى شارانى ۇيىمداستىرماقشى بولعان ازاماتتاردىڭ جاساعان الدىن الا ەسەبى. بىراق، بۇل جوسپارلارى وبلىس بيۋدجەتى ەسەبىنەن جۇزەگە اسپايدى.

الماتى وبلىسىندا بيىل تالعار اۋدانىنا قاراستى جالاڭاش اۋىلىندا ساياسي-قۋعىن سۇرگىن قۇرباندارىنا ارنالعان مۇراجاي اشىلىپ، جاركەنت قالاسىندا  وربۇلاق شايقاسىنىڭ 375 جىلدىعىنا ارنالعان ەسكەرتكىش تۇرعىزىلاتىندىعىن مالىمدەيمىز. كەلمەسكە كەتكەن كەڭەس وكىمەتىنىڭ جوعىن جوقتاۋ جوسپارىمىزدا جوق.

نۇرگەلدى ابدىعانيۇلى

Abai.kz

22 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3513