بەيسەنبى, 1 جەلتوقسان 2022
ايتىس 1382 12 پىكىر 3 قازان, 2022 ساعات 13:19

داريعا نازارباەۆا سايلاۋعا تۇسە مە؟

ەل ىشىندە بۇرىنعى ءماجىلىس دەپۋتاتى، ەكس-پرەزيدەنت نۇرسۇلتان نازارباەۆتىڭ ۇلكەن قىزى داريعا نازارباەۆا الداعى بولاتىن كەزەكتەن تىس پرەزيدەنت سايلاۋىنا ءتۇسۋى مۇمكىن دەگەن الىپ-قاشپا اڭگىمە ايتىلىپ ءجۇر. بۇعان دەيىن، قازاقستاننىڭ ورتالىق سايلاۋ كوميسسياسىنىڭ مۇشەسى (وسك) شاۆقات وتەمىسوۆ داريعا نازارباەۆانىڭ پرەزيدەنتتىككە ۇمىتكەر رەتىندە قاتىسا الاتىنىن ايتقان بولاتىن.

«ارينە، ۇمىتكەر بولا الادى. نۇرسۇلتان نازارباەۆ تا ۇمىتكەر بولا الادى. تالاپتارعا ساي بولاتىن كەز-كەلگەن ادام پرەزيدەنت سايلاۋىنا ءوزىن ۇسىنا الادى»، - دەگەن ەدى وتەمىسوۆ.

داريعا نازارباەۆا قاڭتار وقيعاسىنان كەيىن بارلىق ساياسي قىزمەتتەن الىنعان بولاتىن. قازىر ەكس-دەپۋتاتتىڭ قايدا جۇرگەنى تۋرالى ناقتى اقپارات جوق. ول قاڭتار ايىنىڭ باسىنان بەرى جۇرت الدىنا شىقپاعان.

5, 12 قاڭتاردا وتكەن ءماجىلىس وتىرىسىنا قاتىسپاعان، 11 قاڭتاردا پرەزيدەنت توقاەۆ  ۇكىمەت قۇرامىن جاڭالاعان كەزدە دە كورىنبەگەن داريعا نازارباەۆانىڭ «كوروناۆيرۋس ينفەكتسياسىن» جۇقتىرىپ، الماتىداعى ۇيىندە ەمدەلىپ جاتقانى بەلگىلى بولدى.

17 قاڭتاردا zakon.kz سايتى دەنساۋلىعىن قالپىنا كەلتىرۋ ءۇشىن ونىڭ اقىسىز دەمالىس العاندىعى تۋرالى حابارلادى. ارتىنشا نازارباەۆانىڭ «نۇر وتان» پارتياسىنىڭ ساياسي كەڭەسىنەن شىعارىلعانى بەلگىلى بولدى.

1 اقپان كۇنى «قازتاگ» اگەنتتىگى دەرەككوزدەرگە سۇيەنىپ، داريعا نازارباەۆانىڭ بىرىككەن اراب امىرلىگى دۋباي قالاسىندا جۇرگەنىن جاريالادى.

25 اقپاندا داريعا نازارباەۆانىڭ ماجىلىستەگى مانداتىن تاپسىرىپ، دەپۋتاتتىقتان كەتكەنىن مالىمدەدى.

قازاقستاننىڭ ساياسي ومىرىندە ايتارلىقتاي وزگەرىس جاساعان، جۇزدەگەن ادامنىڭ ءومىرىن قيعان قاسىرەتتى «قاڭتار وقيعاسىنان» بەرى ءۇنسىز جاتقان ەكس-دەپۋتات داريعا نازارباەۆا العىس ايتىپ، سول ءبىر «قاڭتار وقيعاسى» تۋرالى پىكىر ءبىلدىرىپ:

«قاسىرەتتى «قاڭتار وقيعاسى» بىزگە بەيبىتشىلىكسىز، حالىق بىرلىگىنسىز قازاقستاننىڭ گۇلدەنۋى، ەلىمىزدىڭ ءارى قاراي دامۋى مۇمكىن ەمەس ەكەنىن كورسەتتى. وسى بولعان وقيعالار – ءبىزدىڭ حالقىمىز ءۇشىن اۋىر تراگەديا»، - دەدى ول.

58 جاستاعى داريعا نازارباەۆا قىزمەتتىك كارەراسىندا ءارتۇرلى باسشىلىق لاۋازىمداردى يەلەندى. ال پارلامەنتتە:

2004-2007 جىلدارى ماجىلىستىڭ ءۇشىنشى شاقىرىلىمىندا دەپۋتات بولدى. 2005-2007 ارالىعىندا ماجىلىستەگى «ايماق» دەيتىن دەپۋتاتتىق توپتى باسقاردى.

ونان سوڭ 2012-2015 جىلدار ارالىعىندا ماجىلىسكە قايتا دەپۋتات بولىپ سايلاندى. «نۇر وتان» پارتياسىنىڭ تىزىمىنە ەنىپ، 2015 جىلدان باستاپ «نۇر وتان» فراكتسياسىنا جەتەكشىلىك ەتتى. ءماجىلىس توراعاسىنىڭ ورىنباسارى بولدى.

پارلامەنتكە ءۇشىنشى مارتە 2016 جىلى باردى. 2016-2020 جىلدار اراسىندا سەنات دەپۋتاتى بولىپ ءجۇردى. ءتىپتى، 2016-2019 جىلدارى سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىن تىزگىندەدى.

ال 2019-2020 جىلدار اراسىندا سەناتتىڭ توراعاسى اتاندى. ءسويتىپ، قازاقستاننىڭ ساياسي جۇيەسىندەگى «زاپاستاعى پرەزيدەنت» اتاندى.

داريعا نازارباەۆانىڭ پارلامەنتەگى ءتورتىنشى جورىعى – 2021 جىلى باستالعان. ءماجىلىستىڭ جەتىنشى شاقىرىلىمىنا «نۇر وتان» ءتىزىمى ارقىلى وتكەن. بيىل 25 اقپاندا ماجىلىستەگى مانداتىن تاپسىردى.

ايجان تەمىرحان

Abai.kz

12 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 254
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 183
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 254