جۇما كۇنى وتكەن ارنايى بريفينگتە گۇرجىستان بيلىگىن 2012 جىلدان ءوز قولىنا ۇستاپ كەلە جاتقان «گۇرجى ارمانى» پارتياسىنىڭ توراعاسى يراكلي كوباحيدزە قازىرگى پرەزيدەنت سالومە زۋرابيشۆيليگە بايلانىستى «ەل كونستيتۋتسياسىن ورەسكەل بۇزعانى ءۇشىن» يمپيچمەنت جاريالاۋدى باستاعانىن ءمالىم ەتتى.

كوباحيدزە ۇكىمەتكە ءمالىم ەتپەي، ەۋروپا بارىپ گفر پرەزيدەنتى فرانك-ۆالتەر شتاينمايەر كەزدەسۋى ەل اتا زاڭىنىڭ «پرەزيدەنت ۇكىمەتتىڭ كەلىسىمىمەن عانا ءوز وكىلەتتىلىگىن ىسكە اسىرا الادى» دەلىنەتىن 52 بابىن بۇزعاندىق دەپ ايىپتى ەتسە،  پرەمەر يراكلي گاريباشۆيلي باسقارعان مينيسترلەر كابينەتى  مەملەكەت باسشىسىنا تەك ءبىر عانا گفر ەمەس، ودان بولەك ۋكراينا، شۆەيتساريا، پولشا، بولگاريا، بەلگيا، چەحيا، دانيا، يزرايل جانە ءباا ەلدەرىنە بارۋعا تىيىم سالدى.

پرەزيدەنت قازان ايى جاقىنداعان سايىن گۇرجىستان ەۋرووداققا مۇشەلىككە ۇمىتكەر بولىپ تىركەلۋ ءۇشىن ەۋروپا ەلدەرىنىڭ استانالارىن ارالاۋ اسا قاجەت دەسە، كوباحيدزە قىرسىعىپ «بارلىق اتاقتى ءبىر ءوزى يەلەنبەكشى» دەپ باتپاقتانۋدا. بۇنىڭ ارتىندا ەو جەتكىشىلەرىمەن اراداعى «ءتيىمدى شەشىمدەر قابىلداۋعا كەدەرگى جاساۋدىڭ» جاتقانى جاسىرىن ەمەس. سوندىقتان ساراپشىلار ونىڭ قولىمەن پۋتيندىك رەسەي وت كوسەۋدە دەگەنى شىندىقتىڭ اۋىلىنان الىس ەمەس.

وسىنى سەزگەن ميحايل سااكاشۆيليدىڭ «ءبىرتۇتاس ۇلتتىق قوزعالىس» پارتيا بيلىكتەگى پارتيانى «ماسكەۋدىڭ ىعىنا جىعىلىپ ەۋروىقپالداستىڭ تامىرىنا بالتا شابۋشىلار» دەپ ورىندى ايىپتادى.

«گۇرجى ارمانى» پارتياسى پارلامەنتتەگى 78 ورىنعا يە پرەزيدەنتكە  يمپيچمەنت جاريالاۋ ءۇشىن وعان 100 داۋىسقا يە بولۋى كەرەك. بۇل مۇمكىن ەمەس. ويتكەن باسقا پارتيالار بۇعان قارسى سوندىقتان ەو پەن گۇرجىستاننىڭ ىقپالداسۋىنا ەشكىم كەدەرگى بولا المايدى.

كىمنىڭ اق، كىمىنىڭ قارا جانە ماسكەۋ جداق ەكەنىن بيىلعى جىلى وتەتىن پارلامەنت سايلاۋ انىقتايدى. ودان كەيىن ىلە شالا 2024 جىلى پرەزيدەنت سايلاۋى وتەدى. بۇل جولى مەملەكەت باسشىسى – باتىسشىل، بيلىك پاتياسى – ماسكەۋشىل بولىپ ەل تاريحىندا قالدى.

Abai.kz