ماعاۋيندىك بەس مىندەت
قوش بول، كوكە!
شىڭعىسحاننىڭ شەجىرەشىسى
جاراتۋشى ءاربىر پەندەسىنىڭ كەۋدەسىنە ۇرپەك-جان ۇرلەگەندە، بەلگىلى ءبىر مىندەت ارتاتىن سەكىلدى. وزەكتى جان تاعدىرىنا بەكىتىلگەن سول اقجارما پارىزدى وتەمەي، ءسىرا، جالعان دۇنيەدەن كوشپەيتىن سەكىلدى. دەمەك، «مىقتى ءومىر ءسۇردىم»، «جاقسى كۇتىندىم»، «سالاۋاتتى عۇمىر كەشتىم» دەيتىن لەپەستىڭ مۇقىمى – بوس ءسوز، دالباسا دالاڭ.
مۇحتار ماعاۋيننىڭ اۋىزى مەن قالامىنان تۋعان ءاربىر ءسوزى – ەكى قاسيەتكە قىزمەت ەتتى: قازاقتىڭ قادىرى مەن تۇركىنىڭ تەكتىلىگىنە! ياعني، بۇل، مەنىڭشە، ماعاۋيندىك ءبىرىنشى مىندەتى شىعار.
ەگىز ارداعى مەن اسىلىن دارىپتەۋگە جازۋشى تاعى ەكى ەگىزدى قوسارلاپ جەكتى: ادەبيەت پەن تاريح. ياعني، بۇل، مەنىڭشە، ماعاۋيندىك ەكىنشى مىندەتى بولسا كەرەك-ءتى.
ۇلتىنىڭ تاريحىن ماعاۋينشە تامشى تامىزباي سۇيگەن، قازاقتىڭ سوزىنە ماعاۋينشە قاسىق قانى قالعانشا ىڭكار بولعان پەرزەنت جوقتىڭ قاسى. قۇداي بىلەدى، بۇل – ماعاۋيندىك ءۇشىنشى مىندەت.
قازاق پەن تۇركىگە ماعاۋيندەي سارقىلا، سارىلا، ساعىنا ادال قىزمەت ەتكەن ادام ساۋساقپەن سانارلىق. اسىرە ايتپاسام، بۇل – ءتورت تاراپ دۇنيەنىڭ تورتباق ءتولى ماعاۋيننىڭ ءتورتىنشى مىندەتى.
الاساپىراندا وتكەن ارقالى عۇمىرىندا مۇحتار ماعاۋين ومىرىنە ءوزى ولشەم قىلعان شىڭعىسحاننىڭ شەجىرەشىسى مىندەتىن (بەسىنشى مىندەت) دە تولىق تا تياناقتى اتقارىپ ۇلگەردى.
«قۇدايعا شۇكىر!» دەيمىن دە، اتتەڭ، تاعى ءبىر الپىس اي دەم بولعاندا، اق كوكەم قۇران كارىمنىڭ ءار سۇرەسى مەن اياتىن تازا، قازاقشا، جاتىق، قازىنا تىلگە تارجىمەلەپ بەرەتىن ەدى، دەپ كۇرسىنەمىن...
كوكە، الدىڭىز جارىق بولسىن!
مىڭجان بايجانين
Abai.kz
