ءماجىلىس دەپۋتاتى اسحات ايماعامبەتوۆ ەلدە ساتىلاتىن ءدارىنىڭ ءارتۇرلى دارىحانالارداعى باعاسى 3-5 ەسەگە دەيىن وزگەرەتىنىن ايتتى، دەپ حابارلايدى inbusiness.kz سايتى

"ەكىنشى – جابايى باعالار جانە تيىمسىزدىك. شەكتى باعالاردى قالىپتاستىرۋ كەزىندە ورەسكەل بۇزۋشىلىقتار انىقتالدى. ولاردىڭ قاتارىندا شامادان تىس ماركەتينگتىك جانە تاسىمالداۋ شىعىندارىن باعاعا قوسۋ بار. پرەپاراتتار ءتىپتى وريگينالداردان دا بىرنەشە ەسە جوعارى باعامەن ساتىپ الىنعان. دارىلەرگە قوسىلعان ۇستەمە باعا زاۋىتتىق باعادان 172 پايىزعا دەيىن جەتەدى. ال ەۋروپا مەن الەمدە بۇل 30 پايىزدان اسپاۋعا ءتيىس. ءبىر پرەپاراتتىڭ ءارتۇرلى دارىحانالارداعى باعاسى 3-5 ەسەگە دەيىن وزگەرەدى. تۇپنۇسقانىڭ باعاسى 344 تەڭگە بولسا، وتاندىق تاۋار ءوندىرۋشىنىڭ باعاسى 1273 تەڭگەگە جەتكەن. بۇل 4 ەسەگە دەيىن قىمبات", - دەدى دەپۋتات.

ايماعامبەتوۆ ءدارى باعاسىن بەلگىلەۋدەگى بۇزۋشىلىقتاردى دا اتادى.

"وتاندىق زاۋىت ەلدە ساتىلمايتىن شەتەلدىك انالوگتىڭ باعاسىن الىپ، سوعان بايلانىستىرىپ، ءوز شىعىندارى مەن باعاسىن ەسەپتەپ، سولاي ءدارىنىڭ باعاسىن كوتەرىپ بەكىتىپ الادى. ونى وريگينالىمەن سالىستىرساق، كوپتەگەن وتاندىق دارىلەر شەتەلدىك تۇپنۇسقاسىنان ەسەلەپ قىمبات بولىپ شىعادى. اۋديت كورسەتكەندەي، "پاراتسەتومولدىڭ" زاۋىتتىق باعاسى 59 تەڭگە ەكەن. قىرعىزستاندا 90 تەڭگەگە ساتىلسا، بىزدە 144 تەڭگەگە ساتىلىپ جاتىر. "تەرافليۋگە" ەلدە بەكىتىلگەن شەكتى باعا 3,3 مىڭ تەڭگە بولسا، زاۋىتتىق باعاسى – 1,5 مىڭ تەڭگە. رەسەيدە – 2,2 مىڭ تەڭگە، قىرعىزستاندا – 2,5 مىڭ تەڭگە. (...) ءتىپتى سۇمدىق جاعداي،  دارىحانالاردا بيۋدجەت ەسەبىنەن ساتىپ الىنعان دارىلەر انىقتالدى", - دەدى دەپۋتات.

Abai.kz