ءماجىلىس دەپۋتاتى جاناربەك ءاشىمجانوۆ ەلىمىزدە سپورت نىساندارى بولا تۇرا شەتەلدەردى ءجيى وقۋ-جاتتىعۋ جيىنىن وتكىزەتىن سپورتشىلارعا قاتىستى ماسەلە كوتەرىپ، تۋريزم جانە سپورت ءمينيسترى ەربول مىرزابوسىنوۆقا ساۋال قويدى،.

«مينيسترلىك وتكەن جىلى بيۋدجەتتى 8 مارتە وزگەرتىپ ناتيجەسىندە بيۋدجەت ۇلعايتقان. دەگەنمەن ناتيجەلەر حالاقارىلىق ارەنادا مەملەكەتتىك اۋقىمدى ينۆەستيتسيالارعا سايكەس كەلمەدى. جوعارى اۋديتورلىق پالاتانىڭ ەسەبىنە سايكەس، 2024 جىلى وقۋ-جاتتىعۋ جيىندارىنىڭ جارتىسىنان كوبى 668 جيىننىڭ 347-ءسى ەلدەن تىس جەرلەردە وتكىزىلدى. ەگەر ەلدە زاماناۋي سپورت نىساندارى، سونىڭ ىشىندە وليمپيادالىق دايىندىق ورتالىعى، وسكەمەندە جەڭىل اتلەتيكا كەشەندەرى جانە استانادا بولا تۇرا شەتەلدە وقۋ-جاتتىعۋ وتكىزۋدى قانداي كريتەري بويىنشا باسشىلىققا الادى», - دەدى دەپۋتات.

ءمينيستردىڭ ايتۋىنشا، سپورتشىلارعا ورتا بيىك تاۋلاردا جاتتىعۋ كەرەك بولادى. قازىر ەلدە وقۋ-جاتتىعۋ جيىندارىن وتكىزۋدى كوبەيتكەن.

«2024 جىل 4 جىلدىقتىڭ قورىتىندىسى بولدى. پاريج وليمپياداسىنا سوڭعى جىلى دايىندىق رەتىندە سپورتشىلاردى حالىقارالىق تاجىريبە الماسۋ ماقساتىمەن جانە ارنايى كليماتتىق بەيمىدەلۋ ماقساتىندا حالىقارالىق بازالاردى قاراستىردىق. جەڭىل اتلەتيكانى الساق، بۇل سپورت تۇرىندە 47 وليمپيادالىق ديستسيپلينا بار. ونىڭ 20-25 تۇرىنە قاتىسامىز. سپورت ءتۇرى اشىق الاڭداردا وتۋىنە بايلانىستى جانە ورتا بيىك تاۋلى جەرلەردە جاتتىعۋ بازالارى كەرەك بولدى. سول ماقساتتا ءبىز حالىقارىلىق بازالاردى قولداندىق. وسى ءتورت جىلدىقتىڭ جوسپارىندا فەدەراتسيا جۇمىستارىنا وزگەرىستەر ەنگىزىلۋدە. حالىقارالىق وقۋ جيىندارىنان بولەك ەلىمىزدىڭ ىشىندە سپورتتىق كەشەندەردە وسى وقۋ-جاتتىعۋ جيىندارىن كوبەيتىپ جاتىرمىز. ودان بولەك حالىقارالىق ۇيىمدارمەن تىعىز بايلانىس ورناتىپ، بىرنەشە حالىقارالىق جارىستاردى الىپ جاتىرمىز»,-دەدى مينيستر.

Abai.kz