قازاقستانداعى XII ازاماتتىق فورۋم قارساڭىندا، قر عىلىم جانە جوعارى ءبىلىم ءمينيسترى ساياسات نۇربەك قوعامدىق جانە ۇكىمەتتىك ەمەس ۇيىمداردىڭ وكىلدەرىمەن كەزدەستى.

كەزدەسۋگە قازاقستاننىڭ ازاماتتىق اليانسى پرەزيدەنتى بانۋ نۇرعازيەۆا جانە قر مادەنيەت جانە اقپارات مينيسترلىگى ازاماتتىق قوعام ىستەرى كوميتەتى توراعاسىنىڭ ورىنباسارى جانارگۇل ءالجانوۆا قاتىستى.

سۋرەت: gov.kz سايتىنان الىندى.

بۇگىندە ەلىمىزدە شامامەن 680 مىڭ ستۋدەنت ءبىلىم الۋدا. كەزدەسۋ بارىسىندا قاتىسۋشىلار ستۋدەنتتەردى تولعاندىراتىن وزەكتى ماسەلەلەردى تالقىلادى. اتاپ ايتقاندا، الەۋمەتتىك بەلسەندى جاستارعا ءبىلىم گرانتتارىن ءبولۋ، جەڭىلدىك ساناتىنداعى ستۋدەنتتەردى قولداۋ، ۆولونتەرلىك قىزمەتتى دامىتۋ جانە پەداگوگ-پسيحولوگتاردى دايارلاۋ تاقىرىپتارى قوزعالدى.

سۋرەت: gov.kz سايتىنان الىندى.

كەزدەسۋ قورىتىندىسى بويىنشا قاتىسۋشىلار مەملەكەت پەن ۇكىمەتتىك ەمەس ۇيىمدار اراسىنداعى جۇيەلى ءوزارا بايلانىستىڭ ماڭىزىن اتاپ ءوتتى. اشىق ديالوگ پەن بىرلەسكەن شەشىمدەر ءبىلىم ساپاسىن ارتتىرۋعا جانە جاستاردىڭ مەملەكەتتىڭ قوعامدىق ومىرىنە بەلسەندى قاتىسۋىنا مۇمكىندىك بەرەتىنى ايتىلدى.

سۋرەت: gov.kz سايتىنان الىندى.

بۇل كەزدەسۋ ورتالىق مەملەكەتتىك ورگاندار باسشىلىعى مەن ازاماتتىق سەكتور اراسىنداعى كەزدەسۋلەر سەرياسىنىڭ جالعاسى. مۇنداي فورماتتاعى ديالوگ ءوزارا سەنىمدى نىعايتۋعا، اشىقتىق پەن ىنتىماقتاستىقتى دامىتۋعا باعىتتالعان.

سۋرەت: gov.kz سايتىنان الىندى.

Abai.kz