مىسىردا گازا ماسەلەسىنە قاتىستى دەكلاراتسياعا قول قويىلدى شارم-ەش-شەيح قالاسىندا وتكەن سامميت قورىتىندىسى بويىنشا اقش، مىسىر، قاتار جانە تۇركيا كوشباسشىلارى گازا سەكتورىندا اتىستى توقتاتۋ تۋرالى دەكلاراتسياعا قول قويدى.

قۇجات دونالد ترامپ ازىرلەگەن 20 تارماقتان تۇراتىن بەيبىتشىلىك جوسپارىنىڭ نەگىزىندە قابىلدانعان جانە وعان حالىقارالىق دەلدالدار قاتىسقان.

– ءبىز بارلىعى مۇمكىن ەمەس دەپ ساناعان ماقساتقا قول جەتكىزدىك. ەندى، اقىرى، تاياۋ شىعىستا بەيبىتشىلىك ورنادى، – دەدى ترامپ جيىنعا قاتىسقان جيىرمادان استام مەملەكەت باسشىلارى الدىندا.

سامميت كۇنى تاياۋ شىعىستاعى ۇزاققا سوزىلعان قاقتىعىستى توقتاتۋ جولىنداعى تاعدىرلى كۇن بولدى: يزرايلگە ەكى جىلدان استام تۇتقىندا بولعان بارلىق ءتىرى تۇتقىندار قايتارىلدى، ال ەكى مىڭعا جۋىق پالەستينالىق تۇتقىن مەن سوتتالعان ازامات ءوز وتانىنا ورالدى.

– سەنەسىز بە، بۇل ساتكە جەتۋ ءۇشىن ءۇش مىڭ جىل كەرەك بولدى. بىراق بۇل جولعى بەيبىتشىلىك تۇراقتى بولادى، – دەدى ترامپ.

Abai.kz