سەنات قازاقستانداعى لگبت-نى ناسيحاتتاۋعا تىيىم سالۋ بويىنشا تۇزەتۋلەردى قامتيتىن زاڭدى قاراۋدى كەيىنگە قالدىردى.

4 جەلتوقسانداعى پلەنارلىق وتىرىستىڭ كۇن تارتىبىندە ارحيۆ ءىسى مەن قۇقىققا قايشى كونتەنتتىڭ تارالۋىن شەكتەۋ ماسەلەلەرى بويىنشا وزگەرتۋلەر ەنگىزۋ تۋرالى زاڭ قامتىلعان بولاتىن. الايدا ول وتىرىستا قاراۋدان الىنىپ تاستالدى.

قازاقستان رەسپۋبليكاسىنىڭ كەيبىر زاڭنامالىق اكتىلەرىنە ارحيۆ ءىسى جانە قۇقىققا قايشى كونتەنتتىڭ تارالۋىن شەكتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىن قاراۋ كەيىنگە قالدىرىلدى. ويتكەنى ونىڭ جەكەلەگەن نورمالارىن قوسىمشا پىسىقتاۋ قاجەت بولدى. وسى زاڭمەن قازاقستان رەسپۋبليكاسىنىڭ ەڭبەك كودەكسىنە، سونداي-اق قازاقستان رەسپۋبليكاسىنىڭ 12 زاڭىنا وزگەرىستەر مەن تولىقتىرۋلار ەنگىزىلەتىنىن اتاپ ءوتۋ ماڭىزدى. سوندىقتان بۇل اۋقىمدى جۇمىس پەن قوسىمشا ۋاقىتتى قاجەت ەتەدى، - دەپ جاۋاپ بەردى سەناتتان.

بەلگىلى بولعانداي، سەناتورلار زاڭدى كەيىنىرەك قاراۋ تۋرالى شەشىمگە كەلگەن.

سونىمەن قاتار بۇل زاڭ بالالاردىڭ قۇقىقتارىن قورعاۋعا قاتىستى ماسەلەلەردى دە رەتتەيتىنىن جانە ول ارقاشان سالماقتى جانە ەرەكشە كوزقاراستى تالاپ ەتەتىنىن ەسكەرە وتىرىپ، پالاتا دەپۋتاتتارى زاڭدى كەيىنىرەك قاراۋ تۋرالى شەشىم قابىلدادى، - دەپ ناقتىلادى سەناتتىڭ ءباسپاسوز قىزمەتى.

Abai.kz