رەتتەۋشى ۇسىنعان قۇجات 22 جەلتوقسانعا دەيىن قوعامدىق تالقىلاۋعا شىعارىلدى.    

ۇلتتىق بانك بانك شوتتارىمەن جانە قولما-قول اقشاسىز تولەمدەرمەن جۇمىس ىستەۋ ەرەجەلەرىن جاڭارتادى، دەپ جازادى inbusiness.kz سايتى.

ۇلتتىق بانك ورتالىق بانك شوتتاردى اشۋ جانە جۇرگىزۋ، سونداي-اق قولما-قول اقشاسىز تولەمدەر ەرەجەلەرىن وزگەرتەتىن قاۋلى جوباسىن ازىرلەپ، كوپشىلىك تالقىسىنا شىعاردى.

وزگەرىستەر عىلىمي جانە تەحنولوگيالىق جوبالاردى گرانتتىق قارجىلاندىرۋ كەزىندە قاراجاتتى پايدالانۋدى باقىلاۋدى كۇشەيتۋگە باعىتتالعان.

اتاپ ايتقاندا، ەسكروۋ-شوتتار گرانتتىق جوبالار بويىنشا كونتراگەنتتەرمەن تىكەلەي ەسەپ ايىرىسۋ ءۇشىن پايدالانىلا الادى – بۇل قاراجاتتىڭ ماقساتتى جۇمسالۋىنىڭ اشىقتىعىن جانە باقىلاۋىن ارتتىرادى.

سونىمەن قاتار ءوزىن-ءوزى جۇمىسپەن قامتىعاندار جاڭا سالىق كودەكسىنە سايكەس ارنايى بانك شوتتارىن اشىپ، جاڭا سالىق رەجيمى شەڭبەرىندە وپەراتسيالار جۇرگىزە الادى.

Abai.kz