تۇركىستان وبلىسى، جەتىساي اۋدانى، قوسسەيىت اۋىلىندا تۇراتىن 41 جاستاعى الماس ساداقباەۆ قارت اكەسىنە قاتىستى قاتىگەزدىك كورسەتىپ، ونى قورلاعانى ءۇشىن، سونداي-اق دارمەنسىز كۇيدە بولعان اتا-اناسىنا ورتاشا اۋىرلىقتاعى قاساقانا دەنە جاراقاتىن كەلتىرگەنى ءۇشىن كىنالى دەپ تانىلدى. ول 5 جىلعا باس بوستاندىعىنان ايىرىلدى.

سوت بارىسىندا ول ءوز كىناسىن تولىق مويىنداپ، ىستەگەن ارەكەتىنە وكىنىش ءبىلدىردى. سونداي-اق كەشىرىم سۇراپ، جازا تاعايىنداۋدا جەڭىلدىك تانىتۋدى ءوتىندى. ونىڭ ايتۋىنشا، اسىراۋىندا بەس كامەلەتكە تولماعان بالاسى بار، ونىڭ ۇشەۋى بۇرىنعى نەكەسىنەن.

بۇعان دەيىن پروكۋرور ايىپتالۋشىعا 6 جىل 2 ايعا باس بوستاندىعىنان ايىرۋدى سۇراعان بولاتىن.

كەشە، ياعني 15 قاڭتاردا بولعان سوت وتىرىسىندا الماس ساداقباەۆ سوتتا جىلاپ، حالىقتان كەشىرىم سۇرادى.

Abai.kz