قازاقستان جەڭىمپازدارعا تولەنەتىن بونۋستار بويىنشا كوشباسشىلار قاتارىندا.

قازاقستاندىق سپورتشىلار 2026 جىلعى قىسقى وليمپيادا ويىندارىندا جەڭىسكە جەتكەنى ءۇشىن شامامەن 250 مىڭ دوللار سىياقى الا الادى، بۇل قاتىسۋشى ەلدەر اراسىنداعى ەڭ جوعارى جالاقىنىڭ ءبىرى.

Forbes-ءتىڭ زەرتتەۋشىلەرى، سپورتشىلارى وليمپيادا ويىندارىنا قاتىساتىن بارلىق 92 ەل مەن اۋماقتى قامتى سارالاپ، جەڭىمپازدارعا كىم قانشا سىياقى تولەيتىنىن ەسەپتەپ شىعىپتى. ول بويىنشا كەم دەگەندە 37- ەلدىڭ سپورتشىلارى جەڭىپ العان مەدالدار ءۇشىن مەملەكەتتىك نەمەسە كۆازيمەملەكەتتىك تولەمدەر الادى ەكەن.

سۋرەت: Forbes سايتىنان الىندى.

Forbes مالىمەتتەرى بويىنشا، ەڭ تومەنگى تولەمدەر جاڭا زەلانديادا.  مىسالى، مۇندا جەڭىسكە جەتكەندەرگە شامامەن 3000 دوللار بەرىلەدى. ال ەڭ جوعارعى سىياقى كورسەتكىشى سينگاپۋردا، وندا وليمپيادا چەمپيونى 787 000 دوللارعا دەيىن الا الادى. بۇل قاتاردا گونكونگ (768 000 دوللار) جانە پولشا (355 000 دوللار) دا بار.

قازاقستان ەڭ جوعارى جۇلدەلى ەلدەردىڭ قاتارىندا. جەكە سپورت تۇرىنەن التىن مەدال ءۇشىن سپورتشى شامامەن 250 000 دوللار الۋى مۇمكىن.

سالىستىرۋ ءۇشىن باسقا ەلدەردەگى تولەمدەر:

يتاليا – شامامەن $213 000;

كيپر – $177 000;

بولگاريا – $151 000;

ليتۆا – $133 000;

كوسوۆو – $130 000;

ەستونيا – 118 000 دوللار.

ال امەريكا قۇراما شتاتتارىنىڭ سپورتشىلارى دامىعان سپورت ينفراقۇرىلىمىنا قاراماستان، سالىستىرمالى تۇردە از بونۋستار الادى - وليمپيادا التىنى ءۇشىن شامامەن 37 500 دوللار بەرىلەدى.

Abai.kz