قورعانىس مينيسترلىگى سپورت كوميتەتى – ارميا ورتالىق سپورت كلۋبىنىڭ اسكەري قىزمەتشىسى، سپورتشى-نۇسقاۋشى لەيتەنانت يسلام ساتپاەۆ ءۇندىستان استاناسى نيۋ-دەلي قالاسىندا ءوتىپ جاتقان قۇرلىقتىق بىرىنشىلىكتە نىسانا كوزدەۋدەن ازيا چەمپيونى اتاندى.

حالىقارالىق دارەجەدەگى سپورت شەبەرى، پاريج وليمپياداسىنىڭ قولا جۇلدەگەرى 50 مەتر قاشىقتىقتان كىشى كاليبرلى ۆينتوۆكامەن جاتىپ نىسانا كوزدەۋ سايىسىندا جەڭىسكە جەتتى.

وسى باعدارلامادا قازاقستان قۇراماسىنىڭ تاعى ءبىر وكىلى نيكيتا شاحتورين كۇمىس مەدال يەلەندى. ال كوماندالىق باسەكەدە يسلام ساتپاەۆ، نيكيتا شاحتورين جانە كونستانتين مالينوۆسكي ۇزدىك ناتيجە كورسەتىپ، التىن جۇلدەگە قول جەتكىزدى.

جالپى ازيا چەمپيوناتىندا قازاقستان قۇراماسى ءۇش التىن، ەكى كۇمىس مەدال جەڭىپ الىپ، قۇرلىقتاعى ەڭ مىقتى كوماندالاردىڭ ءبىرى ەكەنىن تاعى ءبىر دالەلدەدى.

بيىلعى دوداعا قۇرلىقتىڭ 20 ەلىنەن 320-دان استام سپورتشى قاتىسىپ جاتىر. قازاقستان قۇراماسى 47 مەرگەنمەن جارىسقا ءتۇستى.

قۇرلىقتىق بىرىنشىلىك 13 اقپاندا اياقتالادى. اسكەري سپورتشىلاردىڭ جەڭىسى قارۋلى كۇشتەردىڭ وتاندىق سپورتتى دامىتۋداعى جانە ەلدىڭ حالىقارالىق بەدەلىن نىعايتۋداعى قوماقتى ۇلەسىن تاعى ءبىر مارتە ايقىندايدى.

Abai.kz